Զուրաբյան․ ՀԱԿ-ը բացառում է ընտրություններից հետո Փաշինյանի հետ որևէ գործակցություն27 մայիսի 2021 - 15:18 AMT PanARMENIAN.Net - ՀԱԿ-ը բացառում է ընտրություններից հետո վարչապետի պաշտոնակատար Նիկոլ Փաշինյանի և նրա թիմի հետ որևէ համագործակցություն: Այդ մասին հայտարարել է Հայ ազգային կոնգրեսի փոխնախագահ Լևոն Զուրաբյանը։ «Պետք է հասկանալ, որ երկիրը ներկայիս կրիտիկական վիճակին է հասցրել գործող իշխանությունը՝ Փաշինյանի գլխավորությամբ, և նրա հետ որևէ համագործակցության մասին խոսք լինել չի կարող», – ասել է Զուրաբյանը, տեղեկացնում է Sputnik Արմենիան։ Նրա խոսքով` հնարավոր է` ՀԱԿ-ը միավորվի քաղաքական այլ ուժերի հետ, բայց միայն Փաշինյանի հեռացման խնդրի շուրջ։ Խոսքը, սակայն, երկրորդ նախագահ Ռոբերտ Քոչարյանի մասին չէ։ «Այդ իշխանությունը բացարձակ չարիք է դարձել պետության համար, և ամեն նոր օր մեզ նոր դժբախտություններ է բերում։ Երկրորդ նախագահ Ռոբերտ Քոչարյանը նույնպես այսօրվա դժբախտությունների մասնակից է», - ասել է ՀԱԿ փոխնախագահը։ Զուրաբյանի խոսքով` ՀԱԿ-ը գնում է ընտրությունների հաղթելու նպատակով։ «Ցավոք, իրադարձությունները ցույց տվեցին, որ միայն մենք ենք առողջ քաղաքական մտքի կրողը։ Քաղաքական ռացիոնալիզմն այսօր պետությանն օդի ու ջրի պես է պետք», - ասել է նա։ Նա նշել է նաև, որ ՀԱԿ-ի նախընտրական ցուցակը կազմելիս ձգտել են դուրս գալ նեղ կուսակցական շահերից և ներգրավել այն մարդկանց, ովքեր հետաքրքրված են երկրի վերականգնմամբ, պատրաստ են իրենց մասնագիտական ներդրումն ունենալ այդ խնդրի լուծման գործում: Զուրաբյանը ցուցակն ինչ-որ տեղ կոալիցիոն է համարում, քանի որ այնտեղ շատ մարդիկ կան տարբեր հասարակական կառույցներից ու խմբերից։ ՀԱԿ-ը հրապարակել է իր նախընտրական ցուցակը, որը բաղկացած է 101 անունից։ Այն գլխավորում է առաջին նախագահ Լևոն Տեր–Պետրոսյանը։ Ցուցակում են նաև Լևոն Զուրաբյանը, Արամ Մանուկյանը, Արման Մուսինյանը, Եվա Ադամյանը, Տիգրան Պասկևիչյանը, Սուրեն Շահվերդյանը և այլք։ Հայաստանում խորհրդարանական արտահերթ ընտրությունները կայանալու են հունիսի 20-ին։ Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին Fastex տեխնոլոգիական 8-րդ հանդիպման ընթացքում խոսել են կրիպտոփոխանակման հարթակներից Հայաստանի բլոկչեյն էմբասիում կայացել է 8-րդ Fastex Meetup տեղեկատվական հանդիպումները Բագրատ սրբազան. Հեծանիվով էր ման գալիս փողոցներում, հիմա ոստիկաններին բերել, քաղաքը պարալիզացրել է Նա նաև ասել է, որ շնորհակալ է ոստիկանությանը, որ «քաղաքացիների փոխարեն՝ ինքն է ճանապարհները փակում» |