Ավանեսյան․ Դիերի մի խումբ, որոնք ԴՆԹ-ի համընկնում չունեն, կարող են նաև ադրբեջանցիների դիեր լինել 3 հունիսի 2021 - 17:43 AMT PanARMENIAN.Net - Առողջապահության նախարարի պաշտոնակատար Անահիտ Ավանեսյանը Հանրային հեռուստաընկերության եթերում հայտարարել է, որ մոտ 50 մասունք կա, որոնք այնքան են վնասված, որ նույնիսկ մի քանի անգամ փորձաքննություն անցկացնելուց հետո հնարավոր չի եղել ԴՆԹ անջատել։ Նա չի բացառել, որ այն մասունքների մեջ, որոնցից չի հաջողվել ԴՆԹ անջատել, կարող են լինել նաև ոչ հայ զինվորներին պատկանող մասունքներ։ Նախարարի պաշտոնակատարը հավելել է նաև, որ կան դիեր, որոնց վերաբերյալ ԴՆԹ պրոֆիլները բացված են, սակայն ծնողների բազայում որևէ նույնականացում չկա՝ կան նաև ծնողներ, որոնք ինչ-ինչ պատճառներով հրաժարվում են ԴՆԹ անալիզ հանձնել։ «Իհարկե, կարող են լինել ոչ հայեր։ Այսինքն` դիերի մի խումբը, որոնք ԴՆԹ-ի համընկնում չունեն, կարող են նաև այդպիսի դեպքեր էլ լինեն։ Մենք մշտական կապի մեջ ենք ԿԽՄԿ-ի հետ, հետագայում էլ կշարունակվեն աշխատանքները ԴՆԹ-ների ճշգրտման հետ կապված։ Եթե պարզվի, որ կան ադրբեջանցի զինվորների դիեր, ապա միջազգային կանոնների շրջանակներում գործընթացները կիրականացվեն։ Նույնը ակնկալում ենք Ադրբեջանից»,-ասել է Ավանեսյանը։ Նա տեղեկացրել է, որ նաև աշխատանքներ են տարվում միջազգային գործընկերների հետ, մասնավորապես, Հոլանդիայի, մասունքների լրացուցիչ փորձաքննություն անցկացնելու վերաբերյալ։ Ավանեսյանը նշել է նաև, որ երբ նույնականացում կա, տեղեկությունը փոխանցվում է հետաքննչական մարմին և նրանք ծնողների հետ կազմակերպում են հետագա պրոցեսները։ Ավելի վաղ, առողջապահութան նախարարի պաշտոնակատար Անահիտ Ավանեսյանը, անդրադառնալով դիերի և մասունքների ոչ պատշաճ պահման փաստին, գրել էր, որ ուզում է նախ ներողություն խնդրել բոլոր հարազատներից: Ուշագրավ Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին Ամենաընթերցվողը բաժնում | Վարսեն Աղաբեկյանը` Պաղեստինի ԱԳ նախարար Պաղեստինի ղեկավար Մամուդ Աբասը վստահություն է հայտնել երկրի նոր կառավարությանը Ամերիաբանկը 2024-ի լավագույն բանկն է ՀՀ-ում, ըստ Global Finance-ի «Հայաստանի լավագույն բանկը» մրցանակին Ամերիաբանկն արժանանում է 10-րդ անգամ Ապրիլի 1–ից առցանց անմաքս առևտրի շեմը 200,000 դրամից կդառնա 200 եվրո Սահմանվել է 200 եվրո (մոտ 84,000 դրամ) և 31 կգ արտոնության շեմը Ծանրամարտի 2027-ի աշխարհի առաջնությունը կանցկացվի Երևանում Սա աշխարհի առաջին առաջնությունն է օլիմպիական մարզաձևից, որը կանցկացվի Հայաստանում |