Գրիգորյան․ Բաքվի հետ որոշվել էր Գորիս-Կապանն օգտագործել մինչև այլընտրանքային ճանապարհի շահագործումը12 նոյեմբերի 2021 - 13:13 AMT PanARMENIAN.Net - ԱԽ քարտուղար Արմեն Գրիգորյանը, Հանրային հեռուստաընկերության եթերում անդրադառնալով այն դիտարկմանը, թե իշխանությունը չի պայմանավորվել Ադրբեջանի հետ, որ Գորիս-Կապան ճանապարհը թեկուզ որոշ ժամանակահատվածում մնա ՀՀ վերահսկողության տակ, ասել է, որ նման պայմանավորվածություն եղել է։ «Պայմանավորվածություն եղել է այն տրամաբանությամբ, որ մինչև այլընտրանքային ճանապարհի կառուցումը, կարողանանք օգտվել այդ ճանապարհից։ Իհարկե, այս ընթացքում որոշ խոչընդոտներ ստեղծվել են, բայց մինչև երեկ ՀՀ քաղաքացիներն այդ ճանապարհն օգտագործել են», - ասել է նա։ Գրիգորյանը նշել է, որ պայմանավորվածությունը եղել է միայն նրա շուրջ, որ հայկական կողմը կարողանա օգտագործել Գորիս-Կապան ճանապարհը, մինչև այլընտրանք ունենանք։ Ավելի վաղ ՀՀ ԱԽՔ Արմեն Գրիգորյանը Հանրային հեռուստաընկերության եթերում հայտարարել էր, որ Գորիս–Կապան ճանապարհին Ադրբեջանը նոյեմբերի լույս 11-ի գիշերը մաքսակետեր կտեղադրի։ Նոյեմբերի 11-ին կառավարության նիստից հետո Արմեն Գրիգորյանը հայտարարել էր, որ Գորիս–Կապան ճանապարհի դիմաց Ադրբեջանը միջանցք է պահանջել դեպի Նախիջևան։ Նա նաև նշել է, որ միջանցքային տրամաբանությամբ որևէ գործարք չի լինելու։ Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Մեկնարկել են Երևան-Նիցցա թռիչքները Չվերթերը կիրականացվեն շաբաթական 2 անգամ Կոլումբիան խզում է հարաբերություններն Իսրայելի հետ Գազայի հատվածի շրջափակումը այդ երկրի նախագահը «ցեղասպանություն» է անվանել ԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել Քննչական կոմիտեի փորձաքրեագիտական կենտրոն կստեղծվի ՊՈԱԿ-ն ունենալու է նաև տարածքային ստորաբաժանումներ ՀՀ մարզերում, ընդհանուրը՝ 90 հաստիքային միավոր |