Pfizer-ի 200,000 դեղաչափի գնմանը 1.2 մլրդ դրամ է հատկացվել

Pfizer-ի 200,000 դեղաչափի գնմանը 1.2 մլրդ դրամ է հատկացվել

PanARMENIAN.Net - Կառավարությունը 1.2 մլրդ դրամ է հատկացրել կորոնավիրուսի դեմ Pfizer պատվաստանյութի գնման համար։ Նախատեսվում է 200,000 դեղաչափ ներկրել, որը Հայաստան կհասնի մինչև տարեվերջ։

Առողջապահության նախարար Անահիտ Ավանեսյանը տեղեկացրել է, որ Հայաստանը բավականին երկար աուդիտ է անցել սառցային շղթայի ապահովման հետ կապված։

«Պայմանագիրն այսօր-վաղը կկնքվի»,-ասել է նա։

Նա նաև նշել է, որ ունեն նաև Pfizer-ի նվիրատվության խոստումներ և հավելյալ խմբաքանակ կստանան:

Ավելի վաղ հայտնի դարձավ, որ Պորտուգալիան Հայաստանին Pfizer պատվաստանյութի 40,000 դեղաչափ կտրամադրի ԵՄ աջակցության ծրագրի շրջանակում։

Դեկտեմբերի 12-ի դրությամբ Հայաստանում կորոնավիրուսի դեմ 1,452,374 պատվաստում է կատարվել։ Առաջին դեղաչափով 869,750 պատվաստում է արվել, երկրորդով` 582,624։

 Ուշագրավ
Նա ցուցումներ է տվել նմանօրինակ դեպքերը բացառելու նպատակով անհրաժեշտ միջոցառումների վերաբերյալ
Պահանջում են չեղարկել թանկացումը և բյուրոյի պետի հրաժարականը
Փետրվարի 13-ին տեղի ունեցած երկրաշարժ Էպիկենտրոնային գոտում ստորգետնյա ցնցման ուժգնությունը կազմել է 6-7 բալ
---