«Ամերիաբանկ»-ի ժամկետային ավանդների աճը 2009թ. առաջին եռամսյակում կազմել է 39.9%

7 ապրիլի 2009 - 17:35 AMT

PanARMENIAN.Net - «Ամերիաբանկ»-ի ժամկետային ավանդների աճը 2009թ. առաջին եռամսյակում կազմել է 39.9%` գերազանցելով նախորդ տարվա նույն ժամանակաշրջանի ցուցանիշը 5.7 անգամ: Այդ մասին հաղորդում է բանկի մամլո ծառայությունը:

Իրավաբանական անձանց ավանդները, որոնք կազմում են բանկի ընդհանուր ավանդների 79.4 %-ը, եռամսյակի ընթացքում աճել են 26.2 %-ով, իսկ նախորդ տարվա նույն եռամսյակի համեմատությամբ` 5.9 անգամ:

Հաղորդագրության մեջ նշվում է, որ դեռեւս 2008թ. դեկտեմբեր ամսին բանկը հանդես էր եկել ֆիզիկական անձանց ավանդների ամբողջական ապահովագրման նախաձեռնությամբ, անկախ գումարի չափից եւ ներդրվող ավանդի արժույթի տեսակից: Այս նախաձեռնությունը մեծապես ամրապնդեց հասարակության կապը բանկի հետ, որի արդյունքում շեշտակի աճեցին ֆիզիկական անձանց ավանդների ծավալները: Ընթացիկ տարվա առաջին եռամսյակում այդ աճը կազմել է 141.1%, իսկ 2008թ. առաջին եռամսյակի համեմատությամբ ֆիզիկական անձանց ավանդներն աճել են 5.2 անգամ:

Բանկի ժամկետային ավանդների ընդհանուր ծավալը 31.03.09թ.-ի դրությամբ կազմել է 22.2 մլրդ դրամ:

«Ամերիաբանկ» ՓԲԸ կորպորատիվ ներդրումային բանկ է, որն իրականացնում է կորպորատիվ, ներդրումային եւ սահմանափակ մանրածախ բանկային ծառայություններ` տրամադրելով բանկային լուծումների ամբողջական փաթեթ: «Ամերիաբանկ»-ի Տնօրենների խորհրդի նախագահն է պրն Ռուբեն Վարդանյանը, Տնօրինության նախագահ-գլխավոր տնօրենը` պրն Արտակ Հանեսյանը: «Ամերիաբանկ»-ի ռազմավարական գործընկերն է «ՏրոյկաԴիալոգ» խումբը` Ռուսաստանի ամենամեծ ներդրումային բանկային ընկերություններից մեկը:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով