Human Rights Watch․ Գերեվարված հայ զինվորների սպանությունը պատերազմական հանցագործություն է15 հոկտեմբերի 2022 - 11:52 AMT PanARMENIAN.Net - Միջազգային իրավապաշտպան Human Rights Watch կազմակերպությունը հայտարարել է, որ 2022-ի սեպտեմբերի ռազմական գործողությունների ժամանակ ադրբեջանցիների կողմից hայ ռազմագերիների գնդակահարումը պատերազմական հանցագործություն է, որի մեղավորները պետք պատասխանատվության է ենթարկվեն: Human Rights Watch-ի Եվրոպայի և Կենտրոնական Ասիայի գծով տնօրեն Հյու Ոիլյամսոնն ասել է, որ «գերի հանձնված զինվորների սպանությունը սարսափելի պատերազմական հանցագործություն է»։ Կազմակերպությունն ուսումնասիրել է սոցիալական ցանցերում հրապարակված տեսանյութը, որտեղ երևում է առնվազն 7 հայ ռազմագերու արտադատական գնդակահարությունը՝ «ամենայն հավանականությամբ, ադրբեջանական ուժերի կողմից»։ «Ադրբեջանի իշխանությունները պետք է ապահովեն, որ դատախազության հետաքննությունն արդյունավետ լինի, որի արդյունքում մեղավոր զինվորները և հրամանատարները պատասխանատվության կենթարկվեն»,-ասվում է կազմակերպության հայտարարության մեջ։ Նշվում է, որ Ադրբեջանի իշխանությունների սկսած հետաքննությունը, բացի մեղավորներին պատասխանատվության ենթարկելուց, պետք է երաշխավորի, որ «նման վայրագություններն այլևս երբեք չեն կրկնվի»։ Ադրբեջանը հայտարարել է, թե ռազմական դատախազությունը տեսանյութի շուրջ «համապարփակ հետաքննություն է սկսել»։ Սոցցանցերում տեսանյութ էր տարածվել ադրբեջանական ԶՈւ կողմից հայ գերիների գնդակահարության մասին։ ՄԻՊ համապատասխան վերլուծություններն ուղարկվել են Միջազգային մասնագիտացված կազմակերպություններին։ Իրավապաշտպան Սիրանուշ Սահակյանը նշել է, որ գրեթե վստահ են, որ վայրագությունը տեղի է ունեցել սեպտեմբերի 13-ի ադրբեջանական հերթական ագրեսիայի ժամանակ և որ գերիներից 7-8 անձի նույնականացում է իրականացվում։ Տեսանյութն արժանացել է միջազգային հանրության դատապարտմանը։ ՀՀ-ն միջանկյալ միջոց կիրառելու հայց է ներկայացրել ՄԻԵԴ։ Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Անդրեասյանն ու Թուրքիայի մշակույթի նախարարը քննարկել են Անիի կամրջի հարցը Նրանք հանդիպել են Թուրքմենստանում ԵՄ-ն ողջունել է առաջընթացը ՀՀ և Ադրբեջանի միջև սահմանազատման ուղղությամբ ԵՄ-ն կոչ է արել վճռական քայլեր ձեռնարկել չլուծված երկկողմ այլ հարցերի կարգավորման համար Տիխանովսկայան` Լուկաշենկոյի՝ Արցախ այցի մասին․ Սա ցույց է տալիս նրա կեղծավորությունը «Բելառուսի բռնապետը հերթական անգամ խարխլում է ՀԱՊԿ-ում իր ֆորմալ դաշնակից ՀՀ–ի դիրքերը»,–գրել է նա Մայիսի 18–ին «Թանգարանների գիշերվա» առթիվ թանգարանները բաց կլինեն մինչև կեսգիշեր Ակցիային միացել է հայաստանյան 118 թանգարան |