Մարուքյան․ Խաղաղ պայմանագրի վաշինգտոնյան տարբերակ չկա՝ կա ռուսականն ու ադրբեջանականը 29 հոկտեմբերի 2022 - 10:34 AMT PanARMENIAN.Net - ՀՀ հատուկ հանձնարարություններով դեսպան Էդմոն Մարուքյանը Հանրային հեռուստաընկերության եթերում հայտարարել է, որ խաղաղ պայմանագրի վաշինգտոնյան նախագիծ գոյություն չունի, կան միայն ռուսական և ադրբեջանական տարբերակներ։ «Պաշտոնապես ասում եմ՝ չկա վաշինգտոնյան նախագիծ, չկա արևմտյան նախագիծ։ Կա խաղաղության պայմանագրի ադրբեջանական նախագիծ, որը փոխանցվել է հայկական կողմին, որի վրա հայկական կողմը աշխատել է այս ընթացքում։ Աշխատանքներն ավարտված են կարելի է ասել և առաջիկա հանդիպմանը կլինի քննարկում, հայկական կողմը կներկայացնի իր առաջարկները»,– ասել է Մարուքյանը։ Նա ասել է, որ մամուլում տարածված անգլերեն տեքստը հանդիպման ամփոփագիրն է, ոչ թե պայմանագրի նախագիծը։ Անդրադառնալով ռուսական տարբերակին՝ Մարուքյանը կրկնել է վարչապետ Նիկոլ Փաշինյանի այն հայտարարությունը, որ հայկական կողմը դեռևս սեպտեմբերին տվել է իր համաձայնությունն այդ առաջարկներին։ Նա հույս է հայտնել, որ Սոչիում կայանալիք եռակողմ հանդիպմանը ռուսական կողմը կպնդի իր առաջարկները և կհամոզի ադրբեջանական կողմին ընդունել դրանք, որոնք ընդունելի են նաև Հայաստանի համար։ Հատուկ հանձնարարություններով դեսպանն ասել է նաև, որ հայկական կողմը մտադրություն ունի առաջարկել ՌԴ-ին երկարացնել խաղաղապահների ներկայությունն Արցախում 10 տարով, ինչը հնարավոր կլինի այն դեպքում, եթե ՌԴ-ն աջակցի և կարողանա համոզել Ադրբեջանին։ Հոկտեմբերի 27-ին ՌԴ նախագահ Վլադիմիր Պուտինը ասել է, որ Հայաստանին առաջարկվող վաշինգտոնյան տարբերակը, ենթադրում է Ղարաբաղի նկատմամբ Ադրբեջանի ինքնիշխանության ճանաչում։ Նա հավելել է․ «Եթե Հայաստանն այդպես է կարծում՝ խնդրեմ։ Մենք կաջակցենք հայ ժողովրդի ցանկացած ընտրության»։ ՌԴ նախագահը նաև ասել է, որ ՌԴ-ն չի պատրաստվում ոչինչ պարտադրել Հայաստանին, չի կարող և չի պատրաստվում ինչ-որ բան թելադրել, եթե հայ ժողովուրդն ու այսօրվա ղեկավարությունը որոշեն, որ պետք է ընտրել կոնկրետ տարբերակ։ Հոկտեմբերի 31-ին Սոչիում տեղի կունենա ՀայաստանիվարչապետՆիկոլ Փաշինյանի, ՌԴ նախագահ Վլադիմիր Պուտինի և Ադրբեջանի նախագահ Իլհամ Ալիևի եռակողմ հանդիպումը: Պուտինը նաև առանձնազրույցներ կունենա Փաշինյանի և Ալիևի հետ։   Ուշագրավ Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Իրանի նախագահի և նրան ուղեկցող անձանց հուղարկավորությունը տեղի կունենա մայիսի 21–ին Այլ մանրամասներ չեն ներկայացվում «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա   Ամենաընթերցվողը բաժնում |  Վերջին լուրեր Դորտմունդի «Բորուսիան» հետաքրքրված է Սպերցյանով  Սպերցյանի ներկայիս աշխատանքային պայմանագիրն ակումբի հետ նախատեսված է մինչև 2026 թվականի ամառըՀՀ–ն Մոլդովայում մասնակցում է ՆԱՏՕ-ի Regex 2024 զորավարժությունների հերթական փուլին Զորավարժությունները, որոնց մասնակցում է ՆԱՏՕ–ի գործընկեր մոտ 30 երկիր, կտևեն մինչև մայիսի 24–ըՆարեկ Սամսոնյանն ու Վազգեն Սաղաթելյանն ազատ են արձակվել Նրանք 3 ամիս չեն կարողանալու վարել իրենց հաղորդումըՔո տունը Հայաստանում է․ Ամերիաբանկն առաջարկում է հիփոթեքային վարկեր Սփյուռքի համար Առաջարկից օգտվելու համար անհրաժեշտ է Ամերիաբանկի կայքում լրացնել համապատասխան հայտը |
