Երեւանում բացվել է Ադանայի հայերի ջարդի հարյուրամյակին նվիրված գիտաժողովը20 ապրիլի 2009 - 15:15 AMT PanARMENIAN.Net - Ապրիլի 20-ին Երեւանում բացվել է միջազգային գիտաժողով, նվիրված Ադանայի հայկական ջարդերի հարյուրամյակին: Գիտաժողովը կազմակերպվել է Հայոց ցեղասպանության ինստիտուտ-թանգարանի կողմից: Ադանայի ջարդը նախորդում է Հայոց ցեղասպանության մեծ ողբերգությանը, հայտարարել է ինստիտուտի տնօրեն Հայկ Դեմոյանը: Նրա խոսքերով, այս գիտաժողովը կարելի է հիշատակի եւ հարգանքի տուրք համարել Ադանայի ջարդի զոհերին: Բացման արարողությանը մասնակցել է Ամենայն Հայոց կաթողիկոսի ներկայացուցիչը, Հայաստանի սփյուռքի նախարար Հրանուշ Հակոբյանը, ՀՀ կրթության եւ գիտության նախարար Սպարտակ Սեյրանյանը, պատմաբաններ Հայաստանից ու սփյուռքից: «Ադանայի ջարդը դարձավ 1915-23թթ. Հայոց ցեղասպանության նախաբանը: Ցավոք, միջազգային հանրությունը իրազեկված չէ Ադանայի ողբերգական իրադարձությունների մասին, սակայն այն պետք է խստորեն դատապարտի մարդկության դեմ նման ոճրագործությունները, որպեսզի դրանք այլեւս չկրկնվեն»,-ասել է Հրանուշ Հակոբյանը: Իր հերթին Սպարտակ Սեյրանյանը նշել է, որ ցեղասպանագիտությունը Հայաստանում բախվում է բազմաթիվ մարտահրավերների, սակայն նման գիտաժողովները լուրջ դերակատարություն ունեն հանրապետությունում այս գիտության զարգացման գործում: 1909թ. ապրիլի 1-ին Կիլիկիայի Ադանա քաղաքում սկսվեց հայերի կոտորածը: Չորս օրում շուրջ 30 հազար հայ սպանվեց: Ապրիլի 12-ին կանոնավոր զորքերը մտան քաղաք եւ ջարդը վերսկսվեց: Եվ սա ընդամենը մեկ տարի անց այն բանից, երբ հայերը սատարեցին երիտթուրքերին հեղափոխության ժամանակ` հույս ունենալով, որ նոր ղեկավարությունը ինչ-որ կերպ կբարելավի հայերի վիճակը Արեւմտյան Հայաստանում: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | ՔԿ․ «Էվրիկա»-ի տարբեր հասցեներում խուզարկություններ են ՊԵԿ-ն «Էվրիկա»-ին տուգանել է 10 մլն դրամով Ապրիլին 614 հարկ վճարող մոտ 251 մլն դրամի ՀԴՄ կիրառման կանոններ է խախտել Տուգանքի չափը կազմել է մոտ 251 մլն դրամ Ակբա բանկը 50 մլն եվրո կուղղի ՀՀ-ում ՓՄՁ-ների զարգացմանը ՎԶԵԲ-ն առաջին անգամ Հայաստանում կկիսի ֆինանսական կառույցի կողմից տրամադրված վարկերի վերադարձելիության ռիսկը Բագրատ սրբազանը`քաղուժերի հետ առաջիկա հանդիպման մասին․ Ուզում եմ, որ բոլորը ներկա լինեն՝ միասին որոշակի եզրահանգման գանք «Այս ընթացքում մի հատվածի հետ հանդիպել ենք»,–ասել է նա |