Երեւանում տեղի կունենա «Ավանդական եւ ժամանակակից բժշկության ինետգրումը» խորագրով միջազգային գիտաժողովը27 ապրիլի 2009 - 13:58 AMT PanARMENIAN.Net - Ապրիլի 28-ին Երեւանում կմեկնարկի «Ավանդական եւ ժամանակակից բժշկության ինետգրումը» խորագրով երրորդ միջազգային գիտաժողովը: Երկօրյա գիտաժողովի կազմակերպիչն է Ավանդական բժշկության համալսարանը (ԱԲՀ): Գիտաժողովին մասնագետներ են հրավիրվել 4 երկրներից` Իրանից, Վրաստանից, Ռուսաստանից, Տաջիկստանից: Գիտաժողովի նպատակն է հնարավորություն տալ բժիշկներին ու հետազոտողներին կենդանի շփման միջոցով տեղեկանալ ավանդական բժշկության ոլորտի վերջին նվաճումներին եւ տեղեկատվություն փոխանակել: Որոշ պատճառներով ավանդական բժշկության տարածմանը խոչընդոտում է արեւմտյն բժշկությունը կամ այսպես կոչված ժամանակակից բժշկությունը: Նման պատճառներից մեկն ավանդական բժշկության մասին ճիշտ պատկերացման բացակայությունն է նույնիսկ բժիշկների մեծամասնության մոտ: «Նման խնդրի լուծման միջոցներից մեկը պարբերական համաժողովների, հատկապես միջազգային մակարդակով համաժողովների անցկացումն է, որպեսզի բժիշկներն ու հետազոտողները կենդանի շփման հնարավորություն ունենան եւ ծանոթանան ավանդական բժշկության նվաճումներին եւ տեղեկացնեն ԶԼՄ-ներին»,-ասել է ԱԲՀ-ի միջազգային հարաբերությունների բաժնի պետ Ալի Նամավարը PanARMENIAN.Net ի թղթակցի հետ զրույցում: Նրա խոսքերով, ավանդական եւ ժամանակակից բժշկության ինտեգրման եւ վերամիավորման արդիականությունը պայմանավորված է նրանով, որ, առաջին հերթին, ժամանակակից բժշկության ոլորտում տեխնոլոգիական նվաճումների օգնությամբ հնարավոր է շատ ճշգրիտ ախտորոշել հիվանդությունները, երկրորդը, ավանդական բժշկության օգնությամբ հնարավո է բուժել հիվանդին առավել քիչ ծախսերով եւ գրեթե առանց կողմնակի ազդեցության: «Գաղտնիք չէ, որ ավանդական բժշկությունը դեպքերի մեծ մասում կարող է լիովին փոխարինել արեւմտյան բժշկությանը, ելնելով որից այն երբեմն անվանում են այլընտրանքային բժշկություն»,-ընդգծել է Ալի Նամավարը: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Աղազարյան. Բացառված է ՔՊ-ից իմփիչմենթին միացողներ լինեն Նա հավելել է, որ խմբակցությունը հիմա ավելի քան կուռ է և կանգնած է վարչապետի կողքին Ռուս սահմանապահները Ներքին Հանդում այլևս չեն հսկում անցուդարձը, հավաքել են մալուխները Անցակետում մի քանի ռուս զինվորականներ կան, որոնք արդեն կից դիտակետից չեն հսկում անցուդարձը ԱԳ նախարար․ Ալմաթիի հռչակագրի ամրագրումն Ադրբեջանի հետ պայմանագրում կարող է խաղաղություն հաստատել «Ես իմ գործընկերոջը ներկայացրել եմ Հարավային Կովկասում առկա վիճակը»,–ասել է նա Միրզոյանը դասալիք է անվանել «Տավուշը հանուն հայրենիքի» շարժմանը միացած դիվանագետներին Միրզոյանի կարծիքով՝ սա ամենամեղմ գնահատականն է, որ կարող է իրեն թույլ տալ հնչեցնել |