  «Մի դրամի ուժը» հուլիսին ուղղվել է ՔՈԱՖ-ին․ Օգոստոսի շահառուն «ՍՕՍ-Մանկական Գյուղեր»-ն է 10 օգոստոսի 2023 - 19:03 AMT PanARMENIAN.Net - Իդրամն ու IDBank-ն ամփոփել են «Մի դրամի ուժը» նախաձեռնության հերթական ծրագիրը։ Ընկերություններից տեղեկացնում են, որ հուլիսի ընթացքում իրենց հարթակներով կատարված վճարումների դիմաց 3․480․466 դրամ են նվիրաբերել Հայաստանի մանուկներ բարեգործական հիմնադրամին։ Հայտարարվել է նաև հաջորդ ամսվա շահառուի անունը։ Օգոստոսի ընթացքում ընկերությունների հարթակներով՝ Idram&IDBank հավելվածով, IDBank և Idram կայքով կատարված վճարումների դիմաց մեկական դրամ է կուտակվելու և ամսվա վերջում փոխանցվելու «ՍՕՍ-Մանկական Գյուղեր» հայկական բարեգործական հիմնադրամին։ Հիմնադրամը երեխայակենտրոն կազմակերպություն է, որի առաքելությունն է ապահովել կյանքի դժվարին իրավիճակներում գտնվող երեխաների խնամքը՝ ընտանիքին մոտ պայմաններում: Հիմնադրամն իր գործունեությունը ծավալում է երկու ուղղություններով՝ այլընտրանքային խնամքի ծառայություններ, ինչպես նաև ընտանիքների ամրապնդման ծառայություն՝ սոցիալական ծանր վիճակում գտնվող, անչափահաս երեխաներ ունեցող ընտանիքներին։ Հիմնադրամի կողմից իրականացվող ծրագրերն ուղղված են Հայաստանի Հանրապետությունում երեխաների պաշտպանության համակարգի բարելավմանը, երեխայի՝ ընտանիքում ապրելու իրավունքի ապահովմանը։ «ՍՕՍ-Մանկական Գյուղեր» հայկական բարեգործական հիմնադրամի ազգային տնօրեն Սպարտակ Սարգսյանը նշում է, որ Իդրամի և IDBank-ի հետ իրենց համագործակցությունն անչափ կարևոր է հիմնադրամի առաքելությունը կյանքի կոչելու համար։ «Միասին աջակցում ենք կյանքի դժվարին իրավիճակում հայտնված երեխաներին, երիտասարդներին և իրենց ընտանիքներին` նպաստելով համայնքների զարգացմանը», - նշում է Սպարտակ Սարգսյանը։ IDBank-ի հաղորդակցման բաժնի ղեկավար Տաթևիկ Վարդևանյանի խոսքով՝ բարեգործական հիմնադրամի կողքին կանգնելը մեծապես կարևորվում է ընկերությունների կողմից, քանի որ կորպորատիվ սոցիալական պատասխանատվության առանցքային ուղղություններից է համարվում երեխաների աջակցությունը։ Դուք ևս կարող եք դառնալ բարի կամքի դեսպան՝ պարզապես կատարելով բոլոր վճարումները Idram&IDBank հավելվածով, IDBank և Idram կայքով, առանց մեկ դրամ ավել ծախսելու։ Ընկերությունները վերահսկվում են ՀՀ ԿԲ կողմից:   Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով   Ամենաընթերցվողը բաժնում |  Վերջին լուրեր ՄԻՊ աշխատակազմը մայիսի 9-ին արտակարգ ռեժիմով է աշխատելու  Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումըԱդրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար»ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումիցԲագրատ սրբազան․ ԽՍՀՄ ժամանակ էլ ճնշումներ եղան՝ եկեղեցուն ոչինչ չեղավ, բայց Սովետը չկա ու չի էլ լինելու Նա ասել է, որ Ամենայն Հայոց կաթողիկոսն օրհնել է շարժումը ոչ թե՝ առաջնորդել |
