Քո տունը Հայաստանում է․ Ամերիաբանկն առաջարկում է հիփոթեքային վարկեր Սփյուռքի համար

PanARMENIAN.Net - Ամերիաբանկն առաջարկում է հիփոթեքային վարկ Սփյուռքի հայրենակիցների համար։ Հայաստանում անշարժ գույք ձեռք բերելու համար Սփյուռքում բնակվողները կարող են առցանց դիմել Ամերիաբանկ, գնել, վերանորոգել կամ կառուցապատել տուն Հայաստանի ցանկացած անկյունում՝ անկախ բնակության երկրից ու տվյալ պահին գտնվելու վայրից։

Վարկի դիտարկման համար էական չէ Հայաստանում գրանցված եկամուտ ունենալու հանգամանքը, ինչպես նաև՝ մշտական բնակության վայրը։ Որպես եկամտի աղբյուր դիտարկվում են հաճախորդի` այլ երկրում ունեցած եկամուտները: Վարկը հաստատվում է առանց տրամադրման և սպասարկման վճարների։

Հիփոթեքային վարկը կարող է տրամադրվել ՀՀ դրամով, ԱՄՆ դոլարով կամ եվրոյով, 60-360 ամիս ժամկետով: Վարկի տրամադրման պայմաններն ու մյուս մանրամասները` Ամերիաբանկի կայքում:

Առաջարկից օգտվելու համար անհրաժեշտ է Ամերիաբանկի կայքում լրացնել համապատասխան հայտը, ինչից հետո Բանկի մասնագետը կապ կհաստատի՝ քննարկելու վարկավորման պայմանները։

Ամերիաբանկը ֆինանսական և տեխնոլոգիական առաջատար հաստատություն է, ՀՀ տնտեսական ոլորտի նշանակալի դերակատարներից մեկը, որի ակտիվները գերազանցում են 1 տրիլիոն ՀՀ դրամը: Ընթանալով թվայնացման ճանապարհով Բանկը ներդրել է մի շարք նորարար ծրագրեր ու հարթակներ և շարունակում է կատարելագործել դրանք ձևավորելով մարդու տարատեսակ կարիքների բավարարմանն ուղղված, դինամիկ զարգացող ֆինանսա-տեխնոլոգիական միջավայր:

Լինելով հաճախորդամետ Ամերիան ձգտում է ժամանակակից թվային աշխարհում ապահովել սպասարկման բարձր որակ վստահելի և անվտանգ միջավայրում առաջարկելով կյանքի որակը բարելավելու ամբողջական լուծումներ:

Բանկը վերահսկվում է ՀՀ Կենտրոնական բանկի կողմից: