17-ամյա Տիգրան Թադեւոսյանն իր կյանքով է վճարել «Օդնոկլասնիկի»-ում անմիտ արտահայտության համար14 մայիսի 2009 - 17:15 AMT PanARMENIAN.Net - ՀՀ ոստիկանության մամլո ծառայության տվյալներով, ՀՀ Ոստիկանության Գյումրու բաժանմունք ահազանգ է ստացվել այն մասին, որ գլխուղեղի վնասվածքով հիվանդանոց էր տեղափոխվել 1991 թվականին ծնված Տիգրան Թադեւոսյանը: Նա մեկնած օպերատիվ խմբին հայտնել էր, որ վնասվածքը ստացել է Պ. Սեւակի փողոցում վայր ընկնելու եւ գլխով մայթեզրին հարվածելու հետեւանքով: Նույնը հաստատել էր նաեւ վերջինիս մայրը` 1960 թ. ծնված Ջավահիր Ս.-ն:Նշանակվել էր դատաբժշկական փորձաքննություն: Ձեռնարկված օպերատիվ-հետախուզական միջոցառումների արդյունքում` ապրիլի 27-ին պարզվել է, որ Տ. Թադեւոսյանը նշված վնասվածքն ստացել է ս/թ ապրիլի 15-ին, ժամը 17.00-ի սահմաններում, Պ. Սեւակի փողոցի թիվ 13 շենքի դիմաց 1990 թ. ծնված Սամվել Ս.-ի հետ վիճաբանելիս: Տ. Թադեւոսյանը ստացած վնասվածքից ապրիլի 26-ին` ժամը 18.00-ին, հիվանդանոցում մահացել է: Ձեռնարկված բացատրական աշխատանքների արդյունքում` մայիսի 9-ին, ժամը 13.30-ին, մեղայականով ոստիկանության Գյումրիի բաժին է ներկայացել Սամվել Ս.-ն եւ հայտնել, որ Տ. Թադեւոսյանի հետ վիճաբանության մասնակիցներից մեկը եղել է ինքը: Սամվել Ս.-ն ձերբակալված է: Հարազատների խոսքով, Տիգրան Թադեւոսյանը «Օդնոկլասնիկի.ռու» կայքում շփվում էր Լիդա անունով աղջկա հետ, որին վիրավորել էր կոպիտ արտահայտությամբ: Լիդան Սամվելին եւ նրա ընկերներին խնդրել է պաշտպանել իրեն, նրանք էլ ծեծի են ենթարկել Տիգրան Թադեւոսյանին: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը ՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները Հայաստանի և Մալթայի ԱԳ նախարարներն անդրադարձել են տարածաշրջանային հարցերի Eurowings–ը Բեռլին-Երևան ուղղությամբ թռիչքներ է սկսել Չվերթերը կիրականացվեն շաբաթական մեկ չվերթ |