«Նորվիկ»-ի հաճախորդները մարումները կարող են կատարել EDram վճարային համակարգի միջոցով

26 մայիսի 2009 - 16:06 AMT

PanARMENIAN.Net - «Նորվիկ» վարկային կազմակերպությունը առաջարկում է իր հաճախորդներին սպասարկման առավել ժամանակակից եւ հարմարավետ պայմաններ: Եթե նախկինում վճարումներ կատարելը հնարավոր էր քաղաքում տեղադրված կարմիր «Տանդեմ» եւ գազարագույն «Թելսել» տերմինալների միջոցով, ապա այժմ արդեն հաճախորդը կարող է մարել վարկը` նույնիսկ չլքելով իր բնակարանը: Այսուհետ հաճախորդին բավական է ընդամենը ունենալ ինտերնետ եւ այցելել my.norvik.am կայքը մարումները կատարելու համար: Այդ մասին հաղորդում է ընկերության լրատվական ծառայությունը:

Այցելելով my.norvik.am կայքը` հաճախորդը կարող է ստանալ ներկա վարկերի մասին մանրամասն տեղեկատվություն, ինչպես նաեւ նորություններ նոր ծառայությունների եւ գովազդային արշավների մասին: Հաճախորդը կարող է ընտրել առցանց վճարման առավել հարմար տարբերակը` ARCA կամ E- Dram: E-dram վճարային համակարգի ծառայություններից օգտվելու համար բավական է ինտերնետին միացված ցանկացած համակարգչից մուտք գործել www.idram.am եւ անվճար գրանցվել համակարգում: Գրանցումից հետո E-dram համակարգը հաճախորդին տրամադրում է անձնական հաշվեհամարը՝ E-dram ID-ն: Համակարգի միջոցով առցանց վճարումներ կատարելու համար E-dram ID-ն անհրաժեշտ է լիցքավորել E-dram միավորներով:

Իր հաճախորդներին սպասարկման բարձր մակարդակ ապահովելու համար E-dram վճարային համակարգը նախատեսել է լիցքավորման բազմաթիվ միջոցներ կանխավճարային քարտերի, ընկերության եւ բանկերի դրամարկղեր կանխիկ գումարի վճարման միջոցով, ինքնասպասարկման տերմինալների, պլաստիկ քարտերի, բանկային փոխանցման, առցանց տարադրամների փոխանակման միջոցով եւ այլն:

E-dram-ը հայաստանյան միակ ինտերնետ վճարային համակարգն է, որն իր հաճախորդներին հնարավորություն է ընձեռում վարկերի մարումներ կատարել` գտնվելով աշխարհի ցանկացած կետում: Օգտվելով E-Dram վճարային համակարգից` հաճախորդը խնայում է իր ժամանակը եւ ձերբազատվում է ավելորդ հոգսերից:

Հավատարիմ մնալով իր սկզբունքներին` Նորվիկ ՈՒՎԿ-ն հոգում է իր հաճախորդների ժամանակի եւ հարմարավետության մասին եւ շարունակում նորանոր անակնկալներ մատուցել: Մանրամասներին կարելի է ծանոթանալ www.norvik.am կայքում:

Հիշեցնենք, որ Նորվիկ ՈՒՎԿ-ն հիմնադրվել է 2006թ. հուլիսին` լատվա-իսլանդական Նորվիկ Բանկ բաժնետիրական ընկերության կողմից: Վերջին երկու տարիների ընթացքում Նորվիկ-ը շարունակում է զբաղեցնել առաջին տեղը վարկային կազմակերպությունների մեջ հայաստանյան շուկայում:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով