ZyXEL-ը հայկական շուկան հեռանկարային է համարում

PanARMENIAN.Net - Այսօր Երեւանում կայացել է Կենտրոնական Ասիայում եւ Անդրկովկասում ZyXEL ընկերության ներկայացուցչության կազմակերպած «ZyXEL ցանցային լուծումներ» համաժողովը: Հաղորդելով ընթացող համաժողովի նպատակների մասին` գործընկերների հետ կապի ու մարքեթինգի գծով ZyXEL ընկերության առաջատար մասնագետ Օկսանա Պուգաչովան նշել է, որ առաջնային խնդիրը, որն իր առջեւ դրել է ընկերությունը, հայկական շուկայի հետազոտումն ու գործընկերներ գտնելն է:



PanARMENIAN.Net ի թղթակցի հետ զրույցում ZyXEL-ի նախագծերի եւ մթերքի մենեջեր Ռուսլան Սեկսենբաեւը կարծքի հայտնեց այն մասին, որ Հայաստանում բարձր տեխնոլոգիաների շուկան մրցունակ է: «WiMAX տեխնոլոգիայի հայտնվելու պահից անցել է ընդամենը մի քանի տարի, իսկ այն արդեն ներկայանում է Երեւանի բնակչությանը: ZyXEL ընկերությունը հայկական շուկան հեռանկարային է համարում, իսկ IT ոլորտի հայ ներկայացուցիչների մակարդակը` բարձր»,- ասել է նա: