Հայաստանը պետք է ակտիվ բացատրական աշխատանք տանի ղարաբաղյան հակամարտության վերաբերյալ 7 հուլիսի 2009 - 20:28 AMT PanARMENIAN.Net - Հայաստանի ու Ադրբեջանի միջեւ տեղեկատվական դիմակայության մեջ լուրջ թերությունների եւ մշտական բացատրական աշխատանքի անհրաժեշտության մասին է այսօր մամլո ասուլիսում խոսել «Ժառանգություն» կուսակցության խորհրդարանական խմբակցության քարտուղար Լարիսա Ալավերդյանը: Որպես բացասական օրինակ նա բերել է Հայաստանում հրատարակվող քարտեզները, որոնց վրա նշված չեն Լեռնային Ղարաբաղի Հանրապետությունն ու ազատագրված տարածքները: Հավելելով, որ եթե մինչ 2000թ. եվրոպացիները ձեռնպահ էին մնում Հարավային Կովկասի քարտեզների հրատարակումից, ապա այժմ հրատարակում են նշելով Ադրբեջանի խորհրդային սահմանները, Լ.Ալավերդյանը հռետորական հարց է տալիս. «Ի՞նչ կարելի է ակնկալել նրանցից, եթե մենք վախենում ենք «ճիշտ» քարտեզներ տպել»: Լ.Ալավերդյանը քննադատել է տեղեկատվական աշխատանքի սկզբունքներից մեկը, որը դեռեւս 1990-ականներին հռչակել էր նախկին ղեկավարության գաղափարախոս, ՀՀ առաջին նախագահի արտաքին քաղաքականության գծով նախկին խորհրդական Ժիրայր Լիպարիտյանը, որը հայտարարել է, թե Հայաստանը չպետք է պատասխանի Ադրբեջանի մարտահրավերներին` պատճառաբանելով այդ մոտեցումը նրանով, որ «մեր գործն արդար է եւ պաշտպանության կարիք չունի»: «Նման մոտեցումներով մենք դատապարտված ենք ընթանալ իրադարձությունների ետեւից եւ այլ կերպ, քան պարտվողական այն չես անվանի»,-հայտարարել է Լարիսա Ալավերդյանը: Նման դիրքորոշումը նաեւ ղարաբաղյան հակամարտության կարգավորման միասնական պետական ծրագրի բացակայության հետեւանք է, ասել է նա: Նա մեջբերել է ԱԳ նախկին նախարար Օսկանյանի արտահայտություններից մեկն այն մասին, թե միջազգային դիվանագիտության մեջ հին սերունդին փոխարինելու է եկել նոր սերունդը, որը բոլորովին իրազեկված չէ ղարաբաղյան հարցի արմատներին: Ալավերդյանը նշել է, որ հենց միասնական ծրագրի բացակայությունն է ստեծղում այն տեղեկատվական բացը, որն ակտիվորեն լրացնում է ադրբեջանական քարոզչությունը: Եվ դիվանագետների նոր սերունդը, հայկական կողմի պասիվ ու չհամախմբված արձագանքների պայմաններում, առաջին հերթին ընկալում է այն տեղեկատվությունը, որն ակտիվորեն մատուցում է Ադրբեջանը: «Մեր հասարակության տարբեր կառույցների ամենատարբեր ներկայացուցիչների համար, լինեն դա կուսակցություններ, հասարակական կազմակերպություններ, չափազանց դժվար է կողմնորոշվել տարբեր միջազգային հանդիպումներում, թե ինչ ասել եւ ինչպես: Առանց միասնական չափանիշների եւ մոտեցումների մենք չենք կարողանա հետեւողականորեն եւ միասնական ճակատով պաշտպանել ԼՂՀ շահերը»,-ասել է Լ.Ալավերդյանը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Դորտմունդի «Բորուսիան» հետաքրքրված է Սպերցյանով Սպերցյանի ներկայիս աշխատանքային պայմանագիրն ակումբի հետ նախատեսված է մինչև 2026 թվականի ամառը ՀՀ–ն Մոլդովայում մասնակցում է ՆԱՏՕ-ի Regex 2024 զորավարժությունների հերթական փուլին Զորավարժությունները, որոնց մասնակցում է ՆԱՏՕ–ի գործընկեր մոտ 30 երկիր, կտևեն մինչև մայիսի 24–ը Երևանում է ԱՄՆ ԿՀՎ ղեկավարի տեղակալը․ Նրան ընդունել է Փաշինյանը Քննարկվել են ինչպես երկկողմ, այնպես էլ միջազգային օրակարգի հարցեր ԱՆ–ն չի գրանցել Արշակ Կարապետյանի կուսակցությունը՝ օրենքի մի շարք խախտումների հիմքով Նախարարությունը պարզաբանում է տարածել |