Հայկական ՏՏ բիզնես միջավայրին հուզում է երիտասարդ կադրերի նախապատրաստման հարցը

PanARMENIAN.Net - ՏՏ ոլորտի ձեռնարկությունների ղեկավարների Հայաստանի Աղվերան առողջարանային քաղաքում կայացած «առանց փողկապների» համաժողովի շրջանակներում կրթության հարցերի քննարկման ժամանակ Հայաստանի Էկոնոմիկայի նախարարության բարձր եւ տեղեկատվական տեխնոլոգիաների վարչության պետ Վաչե Կիրակոսյանը մտահոգություն է հայտնել այն առնչությամբ, որ մասնավոր անձանց եւ տարբեր կազմակերպությունների կողմից նախարարության ստացած հաղորդագրությունների համաձայն, ուսանողներին չի հետաքրքրում որոշակի ընկերություններում որակավորման բարձրացման դասընթացների հաճախումը` հետագայում այնտեղ աշխատելու նպատակով:



Այդ առնչությամբ, խորհրդաժողովի մասնակիցները մատնանշել են տվյալ խնդրի լուծման հաջող օրինակը, որը Հայաստանում կիրառում է Synopsys ընկերությունը: Դեռ ավելին, տվյալ խնդրի առավել մասշտաբային լուծման համար Երեւանի պետական համալսարանի պրոռեկտոր Ալեքսանդր Գրիգորյանն առաջարկել է կապ հաստատել ոչ միայն բիզնես միջավայրի եւ համալսարանների, այլեւ ԲՈՒՀե-երի եւ դպրոցների ավագ դասարանների միջեւ: Synopsys ընկերության ներկայացուցիչները նշել են, որ տվյալ խնդրի լուծման գործում պակաս կարեւորություն չունի նաեւ այն հանգամանքը, որ ընկերությունում պրակտիկա անցնող ուսանողները բացի համալսարանի կողմից տրվող կրթաթոշակից, ընկերության կողմից եւս կրթաթոշակ են ստանում: