HSBC Բանկ Հայաստանն ու ՎԶԵԲ-ն կֆինանսավորեն խոշոր բիզնեսը Հայաստանում

28 հոկտեմբերի 2009 - 18:47 AMT

PanARMENIAN.Net - 2009թ. հոկտեմբերի 28-ին Վերակառուցման եւ Զարգացման Եվրոպական Բանկը (ՎԶԵԲ) եւ HSBC Բանկ Հայաստան ՓԲԸ-ն ստորագրել են 10 միլիոն ԱՄՆ դոլարի համաֆինանսավորման պայմանագիր, որի շրջանակներում HSBC Հայաստանը կկարողանա ֆինանսավորել խոշոր վարկառու հանդիսացող իրավաբանական անձանց, իրենց բիզնեսը ընդլայնելու համար, որը ներկայումս երբեմն սահմանափակում է Կենտրոնական բանկի «Մեկ փոխառուի գծով ռիսկի առավելագույն սահմանաչափ» նորմատիվով:

Բանկի մամլո ծառայության հաղորդագրության համաձայն, ըստ պայմանագրի, ՎԶԵԲ-ը մինչեւ 50% -ի չափով կհամաֆինանսավորի HSBC Հայաստանի կողմից տնտեսության տարբեր ոլորտներում գործող կազմակերպություններին տրամադրվող խոշոր վարկերը:

Գործարքն ընդգծում է ՎԶԵԲ-ի եւ HSBC-ի միջեւ զարգացող համագործակցությունը, եւ այն փաստը, որ երկու կազմակերպությունների համար էլ կարեւոր են նոր բիզնես հնարավորությունների հայտնաբերումը եւ պատշաճ պատմություն ունեցող, կայուն բիզնես վարող հաճախորդների հետ փոխհարաբերությունների խորացումը:

HSBC Բանկ Հայաստան ՓԲԸ-ն ունի որակյալ վարկային պորտֆել, որը կազմում է 103 միլիոն ԱՄՆ դոլար եւ 2009 թվաանի անցած ինն ամիսների ընթացքում գրանցել է լավ արդյունքներ: HSBC Առեւտրավարկային գործունեություն է ծավալում աշխարհի 64 երկրներում, որը կազմում է իր բիզնեսի զգալի մասը:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով