  Երեւանում մեկնարկել է Fruitfull talent Armenia 2009-ը հինգերորդ համաժողովը23 նոյեմբերի 2009 - 12:51 AMT PanARMENIAN.Net - Նոյեմբերի 23-ին Երեւանում մեկնարկել է Fruitfull talent Armenia 2009-ը հինգերորդ համաժողովը, որին մասնակցում են ինչպես տեղի, այնպես էլ գյուղատնտեսության միջազգային մասնագետներ, էկոնոմիկայի նախարարության ներկայացուցիչներ, փոքր ու միջին ձեռնարկատիրության ներկայացուցիչներ եւ շահագրգիռ կողմերՀամաժողովը, որն անցնում է այս տարի, տարբերվում է նրանով, որ ուղղված է երիտասարդ տաղանդների հայտնաբերմանը, ինչպես տեղաբնակների, այնպես էլ արտերկրի հայերի շրջանում: Fruitfull talent Armenia 2009-ը կարեւոր նշանակություն ունի ՀՀ գյուղատնտեսության զարգացման համար: Անհրաժեշտ է, որ ինովացիոն գաղափարները կիրառություն ունենան այս ոլորտում»,-ասել է ՀՀ վարչապետ Տիգրան Սարգսյանը` ելույթ ունենալով ողջույնի խոսքով: Ըստ նրա, ինովացիոն գաղափարները կօգնեն փոքր ֆերմերային տնտեսություններին մշակել զարգացման ռազմավարություն եւ չկորցնել իր մրցակցային առավելությունները խոշոր գյուղտնտեսությունների կողքին: «Ես հուսով եմ, որ այստեղ գաղափարներ կհնչեն այն մասին, թե ինչպես զարգացնենք գյուղական տնտեսությունները Հայաստանում»,-ասել է վարչապետը: Տ.Սարգսյանը հավելել է նաեւ, որ «Հազարամյակի մարտահրավերներ» հիմնադրամի հետ համատեղ Հայաստանը իրականացնում է «Ջրից` շուկա» ծրագիրը, որի շրջանակներում կբարելավվի ոչ միայն Հայաստանի մարզերի ոռոգման համակարգը, այլ նաեւ կբարձրանա գյուղի բնակիչների կենսամակարդակը ջրի գրագետ օգտագործման հարցում: Բացի այդ, ըստ վարչապետի, կառավարության կարեւոր խնդիրներից մեկն է ենթակառուցվածքների զարգացումը, եւ այդ համատեքստում բոլոր մարզերի հավասարաչափ զարգացումը, ինչը թույլ կտա զգալիորեն կրճատել գյուղացիների տրանսպորտային ծախսերը եւ թույլ կտա առավել արդյունավետ զարգացնել երկրի տնետսությունն ընդհանուր առմամբ: Fruitfull talent անկախ ոչ կոմերցիոն նախագիծը հիմնվեց 2005թ., նրա նպատակն է ապահովել գյուղացիական տնտեսությունների զարգացումը` գյուղական համայնքների զարգացման խթանման եւ գյուղատնտեսության կայուն զարգացման հեռանկարների ընդլայնման միջոցով: Ամենամյա Fruitfull talent համաժողովը կազմակերպվում եւ ֆինանսավորվում է արգենտինացի գործարար, «Կորպորոսյոն Ամերիկա» ընկերության սեփականատեր Էդուարդո Էռնեկյանի կողմից եւ անցնում է ՀՀ գյուղատնտեսության նախարարության, այլ կառավարական մարմինների ու միջազգային կառույցների հովանու ներքո:   Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով   Ամենաընթերցվողը բաժնում |  Բաժիններ թեմայով Վերջին լուրեր Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք  Կիրանցեցիները փակել են Հայաստան–Վրաստան միջպետական ճանապարհըՄիրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիանԻդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |
