Հայաստանի շախմատի հավաքականը ոչ ոքի է խաղացել է Ռուսաստանի հավաքականի հետ

12 հունվարի 2010 - 13:00 AMT

PanARMENIAN.Net -
Թուրքիայի Բուրսա քաղաքում ընթացող Շախմատի աշխարհի թիմային առաջնությունում ՀՀ հավաքականը 7-րդ տուրում հանդիպել է առաջնության առաջատար Ռուսաստանի հավաքականի հետ: Հայ շախմատիստները կարողացան ոչ ոքի խաղալ` 2:2 եւ այժմ գրավում են 5-րդ տեղը:

Պարտիաներն ավարտվել են հետեւյալ կերպ`

Լեւոն Արոնյան-Ալեքսանդր Գրիշչուկ-0,5:0,5

Վլադիմիր Հակոբյան-Ալեքսանդր Մորոզեւիչ-1:0

Գաբրիել Սարգսյան-Եվգենի Տոմաշեւսկի-0:1

Արմեն Փաշիկյան-Վլադիմիր Մալախով-0,5:0,5

7-րդ տուրից հետո առաջատար է դարձել ԱՄՆ հավաքականը 12 (18) միավորով, ՌԴ հավաքականը երկրորդ տեղում է 11 (17,5) միավորով: Հայ շախմատիստները տանելով 3 հաղթանակ, խաղալով 2 ոչ ոքի եւ կրելով 2 պարտություն 8 (15) միավորով 5-րդ տեղում են:

8-րդ տեղում հայ շախմատիստների մրցակիցը կլինի ԱՄՆ հավաքականը:

Հիշեցնենք, որ մինչ առաջնության ավարտը 2 տուր է մնացել: Առաջնությունը մեկնարկել է հունվարի 4-ին եւ կավարտվի հունվարի 14-ին:

Աշխարհի թիմային առաջնություն

ՖԻԴԵ-ն շախմատի Աշխարհի թիմային առաջնությունն անցկացնում է 1985-ից: Դրան մասնակցում են աշխարհի 10 ուժեղագույն հավաքականները, որոնք ընտրվում են շախմատային օլիմպիադաների եւ թիմային մայրցամաքային առաջնությունների արդյունքներով: Առաջնությունն ընթանում է շրջանային համակարգով: Առաջին մրցաշարի ժամանակ հանդիպումներն ընթացան 6 տախտակներով, իսկ հաջորդիվ` 4 տախտակներով: Առաջին չորս առաջնությունների անցկացման վայր ընտրվեց շվեյցարական Լյուցերն քաղաքը, հետագայում որոշվեց մրցություններն անցկացնել զանազան քաղաքներում: 2001-ին առաջնությունը կայացավ Երեւանում: Հայաստանի ազգային հավաքականը 1997-ին, 2001-ին եւ 2005-ին բրոնզե մեդալակիր է դարձել: