ՀՀ ՍԴ որոշումը ոչինչ չի պարտադրում Թուրքիային15 հունվարի 2010 - 16:39 AMT PanARMENIAN.Net - «Հայաստանի Սահմանադրական դատարանի որոշումը ավելի քաղաքական, քան իրավաբանական որոշում է, քանի որ ուղղված է ներքաղաքական խնդիրների լուծմանը», - Երեւանում տեղի ունեցած մամլո ասուլիսի ժամանակ ասել է «Ժառանգություն» կուսակցության խորհրդարանական խմբակցության ղեկավար Ստեփան Սաֆարյանը :Սաֆարյանի խոսքերի համաձայն, ՀՀ ՍԴ որոշումը միայն պատասխանել է ներքաղաքական բանավեճերին, այն մասին, թե արձանագրություններում կան արդյոք նախապայմաններ թե ոչ: «Այդ որոշումը արտաքին քաղաքական որեւէ ուժ չունի եւ Թուրքիային ոչինչ չի պարտադրում հետագա քայլերը կատարելիս», - նշել է նա: Նա նաեւ ընդգծել է, որ ՍԴ որոշումից հետո Հայաստանի ընդդիմադիր դաշտում արդեն նկատելի են տարաձայնություններ: « Ավելի շուտ այն կբաժանվի երեք մասի: «Ժառանգությունը» կուսակցության, որը կտրականապես դեմ է ՍԴ որոշմանը, ՀՅԴ, որը մասնակիորեն բավարարված է եւ ՀԱԿ, որը ամբողջությամբ աջակցում է հայ-թուրքական ներկա մերձեցումը», - նշել է պատգամավորը: Սաֆարյանը անհեռանկար է համարում ՀՅԴ հայտարարությունն այն մասին, որ պայքարի դաշտն արդեն տեղափոխվել է խորհրդարան, քանի որ իշխանական կոալիցիան բազմաթիվ անգամ հայտարարել է արձանագրությունները վավերացնելու իր պատրաստակամության մասին: «Այսպիսի իրավիճակում մենք անելիք չունենք այդ ուղղությամբ», - նշել է «Ժառանգություն» խմբակցության ղեկավարը: Խոսելով «Ժառանգություն» կուսակցության հետագա անելիքների մասին, պատգամավորը նշել է, որ մոտ ժամանակներում իրենք բողոքի ցույց են կազմակերպելու ՍԴ որոշման բացասական հետեւանքները վերացնելուն նվիրված: Ժառանգություն կուսակցությունը արմատական ազգային, տնտեսական ուղղվածությամբ` ազատական, ղեկավարման համակարգով` ժողովրդավարական կուսակցություն է: Այն քաղաքական մի ուժ է, որն իր առաջնահերթ խնդիրը համարում է զարգացած իրավական պետություն ունենալը, որն իր ներքին եւ արտաքին քաղաքականությունը հիմնելու է իր ազգային ինքնավարության շահի գիտակցման վրա: Ստեղծվել է 2002 թ. : 2005 թ. մայիսի 30-ին կուսակցության գաղտնի քվեարկությամբ ղեկավար է ընտրվել Րաֆֆի Հովհաննիսյանը: Կուսակցության վարչության 8 անդամները եւս ընտրվել են գաղտնի քվեարկությամբ: 2009 թ.-ից կուսակցության վարչության նախագահն է Արմեն Մարտիրոսյանը: Հայ-թուրքական հարաբերությունների կարգավորման մասին արձանագրությունները ստորագրվել են 2009 թ. հոկտեմբերի 10-ին Ցյուրիխում: Այն ստորագրել են Հայաստանի արտգործնախարար Էդվարդ Նալբանդյանը եւ Թուրքիայի արտգործնախարար Ահմեդ Դավութօղլին` ներկայությամբ Ֆրանսիայի, ԱՄՆ-ի, Ռուսաստանի եւ Շվեյցարիայի արտգործնախարարների: Շվեյցարիան 2007 թ. -ից որպես միջնորդ է հանդես եկել հայ-թուրքական բանակցությունների ընթացքում: Փաստաթղթի համաձայն, երկու երկրների միջեւ պետք է հաստատվեն դիվանագիտական հարաբերություններ եւ պետք է բացվի 1993 թ, փակված հայ-թուրքական սահմանը: 2010 թ. հունվարի 10-ին Հայաստանի Սահմանադրական դատարանը որոշում է ընդունել, որ արձանագրությունները Հայաստանի Սահմանադրությանը համապատասխանում են: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | ՊՆ բժշկական գումարտակը մասնակցում է ՆԱՏՕ–ի կազմակերպած զորավարժությանը Հոսպիտալն ապրիլի 30-ից ծավալվել է Հունգարիայի Վարպալուտա տարածաշրջանում գտնվող Բակոնիկուտի զորավարժարանում Սուրենյան․ Սպասվում է չափավոր տաք և տեղումնառատ մայիս Օդի ամսական միջին ջերմաստիճանը նորմայից բարձր կլինի մինչև 1 աստիճանով Ըստ Թուրքիայի իշխող ԱԶԿ–ի խոսնակի՝ ՀՀ-Ադրբեջան սահմանին տեղադրված սահմանաքարը չափազանց կարևոր է Նա ասել է, թե «Անկարան ողջունում է Հայաստանի դրական ուղերձները» Տոկաևը հուսով է` Ալմաթիի հանդիպումը կնպաստի հայ–ադրբեջանական պայմանավորվածությունների գործնական իրականացմանը Նա խորհրդանշական է համարել, որ այդ կարևոր միջոցառումը տեղի կունենա Ալմաթիում |