Գերմանիայի դիրքորոշումը Թուրքիայի պաշտոնական դիրքորոշման արտացոլումն է14 մարտի 2010 - 19:11 AMT PanARMENIAN.Net - Գերմանական Բունդեսթագի անդամ Քաթրին Վերները Գերմանիայի պետնախարար Կոռնելիա Պիպերին բաց նամակ է ուղղել, որում իր անհամաձայնությունն է հայտնել Գերմանիայի կառավարության հետ այն պատճառով, որ գիտնականները պետք է ուսումնասիրեն Հայոց ցեղասպանության հարցը: «Գերմանիայի դիրքորոշումը Թուրքիայի պաշտոնական դիրքորոշման արտացոլումն է: Եթե կառավարությունն իրոք կարծում է, որ այս հարցը դեռ պարզաբանման կարիք ունի, ապա ինչ նպատակ եւ իմաստ ուներ 2005-ին Բունդեսթագի այն հայտարարությունը, որում նա դատապարտել է Հայոց ցեղասպանությունը եւ ցանկություն հայտնել նպաստելու Հայաստանի եւ Թուրքիայի հաշտեցմանը»,- գրում է Վերները: Միաժամանակ նա նշել է, որ իր այժմյան դիրքորոշմամբ գերմանական կառավարությունն արժեզրկում է իր նախկին որոշումը: Իր նամակում Վերները նաեւ նշել է, որ համաձայն չէ կառավարության հետ նաեւ այն հարցում, որ Ցեղասպանության հետեւանքների հաղթահարման անհրաժեշտ աշխատանքները, առաջին հերթին, վերաբերվում են միայն Հայաստանին եւ Թուրքիային: «Գերմանիան այստեղ ունի հատուկ վերաբերմունք: Այդ ժամանակ մեր երկիրն Օսմանյան կայսրության գլխավոր ռազմական դաշնակիցն էր, նա տեղյակ էր բոլոր գործերին եւ նույնիսկ որոշ առումով մասնակից էր, եւ համապասխանաբար, ունի որոշակի պարտականություններ»,- գրում է Վերները: «Գերմանիայի պատմությունից մենք գիտենք, թե որքան կարեւոր է Ցեղասպանության հետեւանքնեի հաղթահարումը հասարակության ժողովրդավարական զարգացման համար: Սեփական պատմության մռայլ էջերի ճանաչումը կարող է սրել այն բանի գիտակցությունը, որ նման բան երբեք չպետք է կրկնվի»,- ասվում է նամակում: Միաժամանակ Քաթրին Վերները կարծում է, որ իր պահվածքով Գերմանիայի կառավարությունը հիասթափեցնում է թուրքական քաղաքացիական հասարակության այն ներկայացուցիչներին, որոնք վտանգի ենթարկելով իրենց կյանքը, դատապարտում են Թուրքիայի պատմության այդ էջերը եւ պայքարում են դրանց հետեւանքների հաղթահարման համար: «Վերջին տարիներին Թուրքիայում ընթանում է ավելի բաց երկխոսության գործընթաց, որում Թուրքիան Գերմանիայի աջակցության կարիքն ունի: Սակայն դրան պետք է նախորդի Հայոց ցեղասպանության ճանաչման պատմական փաստը: Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Մեկնարկել են Երևան-Նիցցա թռիչքները Չվերթերը կիրականացվեն շաբաթական 2 անգամ ՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունը ԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել ԱՄՆ–ն կշարունակի աջակցել ՀՀ-ում պաշտպանական բարեփոխումներին Պապաիկյանն ու ԱՄՆ դեսպանը քննարկել են համագործակցության ներկայիս ընթացքը և զարգացման հեռանկարները |