ՀՀ նախագահի առաջիկա հանդիպումը Թուրքիայի վարչապետի հետ մտահոգել է խորհրդարանական խմբակցություններին 9 ապրիլի 2010 - 16:16 AMT PanARMENIAN.Net - Ոչ մի անսպասելի բան չկա նրանում, որ Հայաստանի նախագահ Ս.Սարգսյանը հանդիպելու է Թուրքիայի վարչապետ Ռեջեփ Թայիփ Էրդողանի հետ Վաշինգտոնում` ապրիլի 12-13-ին կայանալիք միջուկային անվտնագության վերաբերյալ միջազգային գագաթնաժողովի շրջանակներում: Այդ մասին ՀՀ ԱԺ-ում կայացած ճեպազրույցի ժամանակ հայտարարել է “Ժառանգություն” կուսակցության խորհրդարանական խմբակցության ղեկավար Ստեփան Սաֆարյանը: Ըստ Սաֆարյանի, պաշտոնական Երևանի դժգոհությունը հայ-թուրքական գործընթացի ձգձգման վերաբերյալ նախատեսված է ներքին սպառման համար, իսկ արտաքին քաղաքականության ասպեկտում Հայաստանը դեռ երկար է պատրաստ սպասել: “ՀՀ-ն չի կարող դուրս գալ հայ-թուրքական գործընթացից, քանի որ միակ մասնակիցը չէ, և ցանկացած քայլ այդ ուղղությամբ կարող է բացասական հետևանքներ ունենալ”,-ասել է նա` նշելով, որ որոշակի ուժեր կշահարկեն այդ հանդիպումը` ներկայացնելով այն որպես հայ-թուրքական մերձեցման գործընթացի շարունակությունը: “Սակայն իրականում, արձանագրությունների վավերացման գործընթացն արդեն սպառել է իրեն”,-ասել է Սաֆարյանը: Իր հերթին “Օրինաց երկրի” խմբակցության ղեկավար Հեղինե Բիշարյանը նշել է, որ առաջկա հանդիպումը չափազանց կարևոր է և կարող է խթան հանդիսանալ առանց նախապայմանների արձանագրությունների վավերացման համար: “Հայաստանի նախագաի համաձայնությունը` հանդիպել Էրդողանի հետ, չի զարմացնում, քանի որ փորձը ցույց է տալիս, որ ՀՀ ղեկավարության նախաձեռնողական քաղաքականությունը ոչ մի առաջարկ չի մերժում”,-ճեպազրույցում ասել է ՀՅԴ խմբակցության պատգամավոր Արծվիկ Մինասյանը: Ինչպես նշել է Մինասյանը, հանդիպմանը Թուրքիան կփորձի պահպանել հայ-թուրքական մերձեցման գործընթացը և որոշակի առաջընթացի հասնել ղարաբաղյան կարգավորման հարցում: “Այսինքն, թուրքական կողմը մտադիր է հասնել ղարաբաղյան կարգավորման վերաբերյալ իր նախապայմանի իրականացմանը”,-ասել է նա: Առաջիկա հանդիպումը կաևորել է նաև “Բարգավաճ Հայաստանի” խմբակցության անդամ Նաիրա Զոհրաբյանը: Ըստ նրա, այժմ եկել է Թուրքիայի պատասխան քայլի պահը, և, եթե այդ երկիրը հավատարիմ է արձանագրությունների ոգուն ու տառին, ապա պետք է վավերացնի դրանք առանց նախապայմանների”,-ասել է նա: Միևնույն ժամանակ, նա նշել է, որ խելամիտ ժամկետներն արդեն անցել են, և Հայաստանն արդեն այժմ պատրաստ է ետ կանչել իր ստորագրությունը: “Սակայն Հայաստանը դա պետք է անի քաղաքական տեսակետից ամենանպաստավոր պահի”,-նշել է նա: Հայ-թուրքական հարաբերությունների կարգավորման մասին Արձանագրություններ Հայ-թուրքական հարաբերությունների կարգավորման մասին Արձանագրությունները ստորագրվել են 2009թ. հոկտեմբերի 10-ին Ցյուրիխում: Արձանագրությունները ստորագրել են Հայաստանի եւ Թուրքիայի ԱԳ նախարարներ Էդվարդ Նալբանդյանը եւ Ահմեդ Դավութօղլուն` Ֆրանսիայի, ԱՄՆ-ի, ՌԴ-ի եւ Շվեյցարիայի ԱԳՆ ղեկավարների ներկայությամբ: Շվեյցարիան որպես միջնորդ է հանդես գալիս հայ-թուրքական բանակցություններում 2007թ. ի վեր: Ըստ փաստաթղթերի, երկրների միջեւ պետք է հաստատվեն դիվանագիտական հարաբերություններ եւ պետք է բացվի 1993թ. ի վեր փակ հայ-թուրքական սահմանը: Հունվարի 12-ին Հայաստանի Սահմանադրական դատարանն Արձանագրությունները Հայաստանի Սահմանադրությանը համապատասխան ճանաչեց: ՍԴ որոշման մեջ Արձանագրությունների վերաբերյալ ոչ մի նախապայմաններ չկան, քանի որ դա հակասում է վճռի կայացման սահմանված կանոնին: ՍԴ որոշման համաձայն Հայ-թուրքական արձանագրությունները համապատասխանում են ՀՀ Սահմանադրությանն ու Հայաստանի Անկախության մասին հռչակագրին: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Երևանում քամուց շինությունների տանիքներ, թիթեղյա ծածկեր են վնասվել, կոտրվել են ծառեր Փրկարարներն իրականացրել են կոտրված ծառերի մասնատման, թիթեղների ամրացման և ապամոնտաժման աշխատանքներ ՀՀ հավաքականը 7 ոսկի և 2 արծաթ է նվաճել ուշուի ԵԱ-ում Մրցումները տեղի են ունեցել Ստոկհոլմում Խաժակյան․ 2018-ից ի վեր Բագրատ սրբազանի առաջնորդած շարժումը միակն է, որը խնդիր չի դնում «ոչնչացնել հակառակորդին» Նա հավելել է, որ օրակարգը հանուն է, իսկ առարկայական ծրագիրը, հավանաբար, առաջիկայում կհստակեցվի Թորոսյան. Ուզում են առանց ընտրությունների իշխանություն վերցնել Նա նշել է նաև, որ խոսքի և հավաքների ազատության իրավունքը կարող է իրացվել նաև ընդդեմ իշխանությունների |