Հայաստանի 165 մարզադպրոցներում սահմանափակ հնարավորություններով մարդկանց համար խմբակներ չկան21 ապրիլի 2010 - 17:03 AMT PanARMENIAN.Net - “Հայաստանի Հաշմանդամային սպորտի ֆեդերացիան 2009-2010թթ. ընթացքում սպորտային մրցաշարեր է անցկացրել մի քանի մարզաձևերում. առագաստային սպորտ, լող, լեռնադահուկային սպորտ, սեղանի թենիս”,- ասել է Ֆեդերացիայի նախագահ Սամվել Ռոստոմյանը մամլո ասուլիսի ընթացքում: 2009-ին Հաշմանդամային սպորտի ֆեդերացիան 8 ուսումնամարզական հավաք, ցուցադրական և որակավորման մրցաշարեր է անցկացրել: Առաջին անգամ նոյեմբերի 17-ին Հայաստանում տեղի է ունեցել գոլբոլի առաջնություն, որին մասնակցում էին 6 թիմեր Հայաստանից և ԼՂՀ-ից: “Առաջնությունը տեղի է ունեցել բարձր մակարդակում, և դրա շնորհիվ այս տարի Ռուսաստանի թիմերից մեկի հետ միասին մեր հավաքականը հավաքներ է անցկացնելու Հայաստանում”,- ասել է Ռոստոմյանը: Նրա խոսքերով, Ֆեդերացիան շատ խնդիրներ ունի կապված մարզիկների մարզումների հետ: “Հայաստանի 165 մարզադպրոցներում սահմանափակ հնարավորություններով մարդկանց համար խմբակներ չկան: Բացի դրանից չկա օրենք, որը կկարգավորեր այս ոլորտը”,- ասել է Ֆեդերացիայի մամլո քարտուղար Վարդուհի Արամյանը: Ֆեդերացիան ֆինանսավորվում է Եվրոամիության կողմից: Երկու տարվա ընթացում նա ստացել է 127 հազար եվրո: “Ծրագիրն ավարտվում է 2011-ին: Այդ գումարի մեծ մասը հատկացված է սպորտային գույք ձեռք բերելու համար: Մենք ցանկանում ենք ակտիվացնել մեր համագործակցությունը Սպորտի նախարարության և Օլիմպիական կոմիտեի հետ”,- ասել է Արամյանը: 2010-ին Ֆեդերացիան մրցաշարեր է անցկացնելու լրագրողների մասնակցությամբ, որոնք մրցելու են երկու մարզաձևերում` առագաստային և լեռնադահուկային: Ուշագրավ Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը | «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս Բաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրել Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել Երևանը նոր Գլխավոր հատակագիծ կունենա Դա կլինի թվայնացված փաստաթուղթ |