Վահան Հովհաննիսյան. Հայ-թուրքական գործընթացը փոխեց ողջ հայության մտածելակերպը 1 մայիսի 2010 - 14:02 AMT PanARMENIAN.Net - ՀՅԴ-ն երբեք դեմ չի եղել հայ-թուրքական հարաբերություննեի կարգավորմանը: Դա բավականին երկար գործընթաց է, որը պետք է 3 փուլից կազմված լինի: Այդ մասին Վիյերբանի (Ֆրանսիա) քաղաքապետ Ժան Պոլ Բրետի հետ հանդիպմանը հայտարարել է ՀՅԴ խորհրդարանական խմբակցության ղեկավար Վահան Հովհաննիսյանը: Ըստ նրա, առաջին փուլում կողմերը պետք է շփումներ հաստատեին, այսինքն դիվանագիտական հարաբերություններ հաստատեին և բացեին հայ-թուրքական սահմանը: “Դա թույլ կտար երկրներին անցնել երկրորդ փուլ, որտեղ դիվանագիտական հարաբերությունները թույլ կտային դիվանագետներին և քաղաքական գործիչներին քննարկել առկա խնդիրները”,-ասել է Հովհաննիսյանը` հավելելով, որ բաց սահմանը թույլ կտար նաև շփումներ հաստատել հասարակության տարբեր շերտերի միջև: :Եվ միայն երրորդ փուլում, մերձեցնելով իրենց մոտեցումները, կողմերը պետք է ստորագրեին որևէ պայմանագիր կամ համաձայնագիր”,-ասել է Հովհաննիսյանը: Ընդ որում, նա նշել է, որ Թուրքիային հաջողվեց այդ բոլոր փուլերը ներառել առաջին փուլի մեջ: Ըստ նրա, դա Հայաստանի դիվանագիտական թերացումն էր: “Մենք հուսով ենք, որ նոր փուլում մեր դիվանագիտական համակարգը կկարողանա շտկել այն բոլոր սխալները, որ թույլ ենք տվել անցյալում”,-ասել է Հովհաննիսյանը: Ընդ որում, նա նշել է, որ այս գործընթացը փոխեց հայերի մտածելակպերն ինչպես Հայաստանում, այնպես էլ Սփյուռքում, քանի որ շատ քաղաքական ուժեր սկսեցին խոսել ոչ միայն Հայոց ցեղասպանության ճանաչման անհրաժեշտության, այլ նաև Ցեղասպանության հետևանքների հատուցման անհրաժեշտության մասին: Իր հերթին Ժան Պոլ Բրետն ասաց, որ Հայոց ցեղասպանության հարցը վերաբերում է ոչ միայն Հայաստանին, այլ նաև ողջ մարդկությանը: Նա նաև հայտնել է, որ Ստեփանակերտի քաղաքապետի հրավերով իր գլխավորած պատվիրակությունը մայիսի 2-3 կայցելի Լեռնային Ղարաբաղ, որից հետո մայիսի 4-ին Բրետին կհանդիպի ՀՀ ԱԳՆ ղեկավար Էդվարդ Նալբանդյանի հետ: Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին: Հայ-թուրքական հարաբերությունների կարգավորման մասին Արձանագրություններ Հայ-թուրքական հարաբերությունների կարգավորման մասին Արձանագրությունները ստորագրվել են 2009թ. հոկտեմբերի 10-ին Ցյուրիխում: Արձանագրությունները ստորագրել են Հայաստանի եւ Թուրքիայի ԱԳ նախարարներ Էդվարդ Նալբանդյանը եւ Ահմեդ Դավութօղլուն` Ֆրանսիայի, ԱՄՆ-ի, ՌԴ-ի եւ Շվեյցարիայի ԱԳՆ ղեկավարների ներկայությամբ: Շվեյցարիան որպես միջնորդ է հանդես գալիս հայ-թուրքական բանակցություններում 2007թ. ի վեր: Ըստ փաստաթղթերի, երկրների միջեւ պետք է հաստատվեն դիվանագիտական հարաբերություններ եւ պետք է բացվի 1993թ. ի վեր փակ հայ-թուրքական սահմանը: Հունվարի 12-ին Հայաստանի Սահմանադրական դատարանն Արձանագրությունները Հայաստանի Սահմանադրությանը համապատասխան ճանաչեց: ՍԴ որոշման մեջ Արձանագրությունների վերաբերյալ ոչ մի նախապայմաններ չկան, քանի որ դա հակասում է վճռի կայացման սահմանված կանոնին: ՍԴ որոշման համաձայն Հայ-թուրքական արձանագրությունները համապատասխանում են ՀՀ Սահմանադրությանն ու Հայաստանի Անկախության մասին հռչակագրին: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Ալիև․ Սահմանազատումը մեր պայմաններով անցկացնելը մեր հերթական հաղթանակն է՝ 4 գյուղ ենք ստանում առանց մի կրակոցի Նա այդ մասին ասել է օկուպացված Շուշիում Համաշխարհային բանկը կաջակցի ՀՀ անտառների, ջրաճահճային տարածքների ու լանդշաֆտների վերականգնմանը Ծրագրի նպատակն է ընդլայնել կայուն կառավարման ներքո գտնվող տարածքները ՀՀ-ն ու Իսպանիան կգործակցեն սպորտի ոլորտում․ Հուշագիր է ստորագրվել Կողմերը կհամագործակցեն նաև մասնագետների, տեխնիկական անձնակազմի և փորձագետների փոխանակման շրջանակում Ռուբեն Վարդանյանի ուղերձը «Ավրորային»․ Ավելի, քան երբևէ, համոզված եմ` արժեքներն ու սկզբունքներն ավելի կարևոր են, քան նույնիսկ կյանքը «Արցախ տեղափոխվելու որոշումս կայացրեցի «Ավրորա»-ի հերոսների շնորհիվ»,–նշել է նաև Բաքվի բանտից ուղարկված ուղերձում |