 ԵԱՀԿ-ն աջակցում է Հայաստանում արդարադատության համակարգի արդյունավետության առաջընթացին 5 մայիսի 2010 - 14:18 AMT PanARMENIAN.Net - ԵԱՀԿ երևանյան գրասենյակի ղեկավար դեսպան Սերգեյ Կապինոսը այսօր հանդիպեց Հայաստանի գլխավոր դատախազ Աղվան Հովսեփյանի հետ` քննարկելու արդարադատության համակարգի բարեփոխումները` ներառյալ վերջերս ԵԱՀԿ Ժողովրդավարական հաստատությունների և մարդու իրավունքների գրասենյակի /ԺՀՄԻԳ/ կողմից հրատարակված դատավարությունների դիտարկման մասին զեկույցում ամփոփված առաջարկների իրագործումը: Կապինոսը բարձր գնահատեց գլխավոր դատախազի կառուցողական մոտեցումը առաջարկներին. «Մենք ուրախ էինք իմանալ, որ ԺՀՄԻԳ զեկույցի առաջարկների մի մասը անմիջապես ընդունվել է և հասկանում ենք, որ որոշ առաջարկներ ժամանակ են պահանջում իրականացնելու համար: ԵԱՀԿ գրասենյակը պատրաստ է աջակցել ՀՀ դատախազության, Արդարադատության նախարարության և Վճռաբեկ դատարանի ջանքերին»: Աղվան Հովսեփյանը նշեց. «Մենք բարձր ենք գնահատում ԵԱՀԿ աջակցությունը` թերությունները բացահայտելու և համապարփակ լուծումներ գտնելու ուղղությամբ` օգնելու Հայաստանում օրենքի գերակայության և արդարադատության համակարգի արդյունավետության առաջընթացին»: Դեսպան Կապինոսը բարձր գնահատեց ՀՀ դատախազության ձեռնարկած գործողությունները` հետաքննելու ապրիլի 13-ին Վահան Խալաֆյանի` ոստիկանության բաժանմունքում արգելանքի տակ գտնվելու ժամանակ մահվան դեպքի հանգամանքները: Նա նաև ողջունեց գլխավոր դատախազի երաշխավորած նախաձեռնությունը ուսումնասիրել լրագրողների նկատմամբ բռնությունների մասին բողոքներ ներառող դեպքերը, ինչպես նաև բարձրացնելու դատախազության դերը ոստիկանության պատասխանատվության մեխանիզմներում, որը նաև ԵԱՀԿ աջակցությամբ վերջերս հրապարակված զեկույցում դիտարկվող խնդիրներից է: ԵԱՀԿ երևանյան գրասենյակը աջակցել է ՀՀ դատախազությանը` կատարելագործելու վեբ կայքը` խթանելու ինտերակտիվ հաղորդակցությունը և օգնելու կայքից օգտվողներին տեղեկատվություն ձեռքբերել ՀՀ գլխավոր դատախազության գործունեության մասին: ԵԱՀԿ գրասենյակը նաև աշխատում է դատախազության հետ` քրեական տեղեկատվության հավաքագրման կատարելագործման հնարավոր կարիքները գնահատելու, և վերլուծություն իրականացնելու նպատակով կկազմակերպի Գոթինգեմի քրեական իրավունքի համալսարանի միջազգային փորձագետի այցը, հայտնում է ԵԱՀԿ երևանյան գրասենյակի մամլո ծառայությունը:   Ուշագրավ Բագրատ սրբազանը վաղ առավոտյան ուղևորվել է դեպի Կիրանց «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի   Ամենաընթերցվողը բաժնում |  Վերջին լուրեր Խամենեին՝ Փաշինյանին․ Մեր հանգուցյալ նախագահը զգայուն էր ՀՀ-ի սահմանային խնդիրների նկատմամբ  Նա նշել է, որ Իրանի և Հայաստանի հարաբերություններն ունեն հակառակորդներՓաշինյանն Իրանի նախագահի ԺՊ-ի հետ հանդիպմանը հույս է հայտնել, որ նախանշված ծրագրերը կշարունակվեն Զրուցակիցն ասել է, որ իրենք խորապես գնահատում են, որ բարեկամական Հայաստանը այսօր կիսում է իրենց վիշտըԻռլանդիան, Նորվեգիան և Իսպանիան պաշտոնապես ճանաչել են Պաղեստինը Իսրայելը հետ է կանչել այդ երկրներում իր դեսպաններին խորհրդակցությունների համարԱԺ նախագահ․ Ալմաթիի հռչակագրի մասին դրույթը խաղաղության պայմանագրում ամրագրելու շուրջ համաձայնություն դեռ չկա Նա նշել է, որ քննարկումները շարունակվում են |
