  Հաստատվել են «Լինսի» հիմնադրամի դպրոցաշինության ծրագրի մրցույթների արդյունքները 31 մայիսի 2010 - 14:56 AMT PanARMENIAN.Net - ՀՀ փոխվարչապետ, տարածքային կառավարման նախարար Արմեն Գևորգյանի մոտ այսօր կայացավ «Լինսի» հիմնադրամի կառավարման խորհրդի նիստը, որի ընթացքում «Դպրոցաշինություն» ԾԻԳ-ի տնօրեն Հրայր Սարգսյանը ներկայացրեց անցկացված մրցույթների արդյունքները, հաղորդում է նախարարության մամլո ծառայությունը: Նշվեց, որ Լոռու և Շիրակի մարզերի վեց դպրոցների վերակառուցման և վերանորոգման համար հայտարարված մրցույթներին մասնակցել են առնվազն երեք, առավելագույնը` ինը ընկերություն: Բոլոր մրցույթներում հաղթող են ճանաչվել մրցույթի պայմաններին բավարարող ամենացածր գնային առաջարկ ներկայացրած ընկերությունները: Խորհուրդը հաստատեց մրցույթների արդյունքները, ըստ որոնց շուրջ 715 հազ. ԱՄՆ դոլարի խնայողություն է արվել, որը հետագայում կարող է ուղղվել լրացուցիչ աշխատանքների իրականացմանը: Միաժամանակ մարզպետներին և ԾԻԳ-ի ղեկավարին առաջարկվեց անհրաժեշտ նախապատրաստական աշխատանքներ տանել` ֆինանսավորումն իրականացնելուն պես շինաշխատանքներն անմիջապես սկսելու ուղղությամբ: Խորհրդի նիստում քննարկվեցին նաև կազմակերպչական այլ հարցեր: Սպիտակի երկրաշարժի 20-րդ տարելիցի կապակցությամբ «Լինսի» հիմնադրամի դպրոցաշինության երրորդ ծրագիրն իրականացվելու է Լոռու և Շիրակի մարզերում: Ծրագրի ընդհանուր արժեքը 12 մլն դոլար է: Շինաշխատանքները նախատեսվում է ավարտել 2012թ. մարտին, ծրագրի հետերաշխիքային ժամկետը մեկ տարի է:   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
