  Ընդամենը 1000 արգենտինահայ է հաճախում հայկական դպրոց 9 հունիսի 2010 - 15:02 AMT PanARMENIAN.Net - Հարավային Ամերիկայի հայկական համայնքներում հայեցի կրթության վիճակն անմխիթար է: ՆՄան կարծիք է հայտնել բանասիրական գիտությունների դոկտոր, պրոֆեսոր Պետրոս Բեդիրյանը, որը ՀՀ կառավարության «Հարավային (Լատինական) Ամերիկայի հայ համայնքի կրթամշակութային հիմնախնդիրների լուծման աջակցության» ծրագրի շրջանակներում մեկնել էր Բուենոս Այրես: «Ծրագրի շրջանակներում Հարավային Ամերիկա կատարած իմ այցելությունից կարելի է ասել, վիճակն անմխիթար է, բայց ոչ իրենց մեղքով, քանի որ համայնքը միջոցներ չունի զարգացնելու համար մայրենի լեզվով ուսուցումը: Այս ամենը պետք է դիտարկել ծնող-երեխա-ուսուցիչ եռանկյունու շրջանակներում, քանի որ առաջին հերթին ծնողը պետք է նպաստի լեզվի ուսուցմանը»,-ասել է Բեդիրյանը: Ըստ նրա, հայախոսությունը 80 տոկոսով նահանջել է և նույնիսկ հայերենի ուսուցիչները միմյանց հետ օտար լեզվով են խոսում: Արգենտինայում կա 7 հայկական դպրոց: Ըստ Պ.Բեդիրյանի, աշակերտների թիվը հայկական դպրոցներում նվազել է, քանի որ Արգենտինայում 70-75 հազար հայ կա, սակայն հայկական դպրոց ընդամենը 1000 հոգի է հաճախում: Նա նաև անարդյունավետ համարեց ուսուցիչների վերապատրաստումը Հայաստանում, քանի որ նրանք չեն ստանում բավարար գիտելիքներ: Ծրագրի մասնակից ՀՀ վաստակավոր արտիստ Արսեն Գրիգորյանը (Մրո) հավելեց, որ հիմնական թերությունն այն է, որ հայկական դպրոցներում հայերեն սովորելը պարտադիր չէ: «Էլ ի՞նչ հայկական դպրոց, եթե այնտեղ հայերենը պարտադիր չէ»,-ասել է երգիչը:   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
