Դունյա Միյատովիչ. Հայաստանը չպետք է բաց թողնի լրատվության ոլորտի առաջադեմ օրենսդրություն ընդունելու հնարավորությունը16 հունիսի 2010 - 18:41 AMT PanARMENIAN.Net - «Չնայած փոփոխություններին` «Հեռուստատեսության և ռադիոյի մասին» ՀՀ օրենքը չի խթանում հեռարձակման բազմակարծությունը թվային դարաշրջանում»,- հունիսի 15-ին Վիեննայում ասաց ԶԼՄ-ների ազատության հարցերով ԵԱՀԿ ներկայացուցիչ Դունյա Միյատովիչը: Որպեսզի Խորհրդարանի կողմից հունիսի 10-ին ընդունված օրենքն ուժի մեջ մտնի, այն պետք է ստորագրվի ՀՀ նախագահի կողմից: Միյատովիչը նշել է, որ ՀՀ իշխանությունները քննարկել են օրենքի նախագիծը քաղաքացիական հասարակության և միջազգային հանրության հետ, և իր գրասենյակի կողմից օրինագծի վերաբերյալ տրամադրվել է փորձագիտական վերլուծություն: «Թեև փորձագիտական վերլուծության մեջ ներկայացված որոշ առաջարկություններ հաշվի են առնվել, սակայն անալոգայինից թվային հեռարձակմանը սահուն կերպով անցնելու համար վճռորոշ նշանակություն ունեցող մյուս առաջարկությունները հաշվի չեն առնվել»,- ասաց նա: Միյատովիչն ասաց, որ օրենքի թերություններից են հեռուստաալիքների թվի սահմանափակումը, արբանյակային, բջջային և ինտերնետային հեռարձակման հստակ կանոնների բացակայությունը` հեռարձակման բոլոր տեսակները դնելով Կարգավորիչ մարմնի կողմից լիցենզավորման կամ նրա թույլտվությունների ռեժիմի ներքո, լրատվամիջոցների ազատության վրա անտեղի սահմանափակումներ պարունակող օրենքի դրույթների հիման վրա հեռարձակման արտոնագիրը դատարանների կողմից դադարեցնելու լիազորումը և թվային մասնավոր հեռուստաալիքների ստեղծման ընթացակարգերի ու պայմանների բացակայությունը: «Հայաստանը չպետք է բաց թողնի լրատվության ոլորտի առաջադեմ օրենսդրություն ընդունելու հնարավորությունը: Նոր տեխնոլոգիաները, այդ թվում` թվային հեռարձակումը, իշխանությունների կողմից պետք է օգտագործվեն լրատվամիջոցների բազմակարծությունը ամրապնդելու նպատակով: Այս տեխնոլոգիաները կարող են բարձրացնել տեղեկությունների մատչելիությունը և թույլ տալ հասարակությանը փնտրել, ձեռք բերել և տրամադրել տեղեկություններ»,- ասաց նա: Միյատովիչը շեշտեց, որ իր գրասենյակը պատրաստ է շարունակել իշխանություններին իր աջակցությունը` լրատվամիջոցների ազատությանն առնչվող օրենսդրական բարեփոխումներում: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |