Ահարոն Չիլինգարյան. Հայաստանում նոր կենսաթոշակային համակարգի ներմուծման արդյունքում ֆինանսավորման այլընտրանքային աղբյուրներ կհայտնվեն21 հունիսի 2010 - 17:06 AMT PanARMENIAN.Net - Հայաստանի Ազգային Ժողովում «Կուտակային կենսաթոշակային համակարգի մասին» ՀՀ օրենքի ընդունման գործընթացը կարող սկսվել արդեն հաջորդ շաբաթ: Այդ մասին հունիսի 18-20-ը Ծաղկաձոր քաղաքում կենսաթոշակային բարեփոխումներին նվիրված սեմինարի շրջանակներում ասել է Հայաստանի Կենտրոնական բանկի խորհրդի անդամ Ահարոն Չիլինգարյանը` «ՀՀ ԿԲ գործառույթները կենսաթոշակային ոլորտում» թեմայով իր զեկույցում ներկայացնելով Հայաստանում կուտակային կենսաթոշակային համակարգի ներդրման հիմնական փուլերը: Նրա խոսքով, սպասվում է, որ 2010 թվականին ՀՀ ԱԺ-ն կընդունի «Կուտակային կենսաթոշակային համակարգի մասին» ՀՀ օրենքը, 2011 թվականը կամավոր կենսաթոշակային համակարգի ներդրման տարի է, ինչը թույլ կտա որոշակի հիմքեր ստեղծել պարտադիր կուտակային կենսաթոշակային համակարգին անցնելու համար: Ընդ որում, նա նշել է, որ դիտարկվում է այն հնարավորությունը, որ կամավոր կենսաթոշակային համակարգի ներդրումը կարող է սկսվել 2011 թվականից քիչ առաջ: «Օրինագծում նշված են կոնկրետ ժամկետները, այնտեղ մատնանշվում է, որ օրենքն ուժի մեջ է մտնելու այն հրապարակելուց 10 օր անց: Այսինքն, եթե մենք արդյունավետ աշխատենք կառավարության հետ, ժամանակին պատրաստենք լիցենզավորման ժամանակացույցը, ապա պատրաստ կլինենք ավելի շուտ սկսել կամավոր թոշակային համակարգի ներդրումը»,- նշել է ԿԲ Խորհրդի անդամը: 2013 թվականից ուժի մեջ է մտնում «Միասնական եկամտահարկի մասին» օրենքը և Պետեկամուտների կոմիտեում անձնական հաշվառման համակարգը: «Եթե մեզ հաջողվի իրականացնել այդ քայլերը, ապա մենք ևս մեկ տարի կունենանք նոր համակարգի փորձարկման համար, իսկ 2014-ից կսկսի գործել պարտադիր կուտակային համակարգը»,- ավելացրել է նա: Ինչպես նշել է Ահարոն Չիլինգարյանը, նոր կենսաթոշակային համակարգը կնպաստի երկրում ֆինանսական ռեսուրսների կուտակմանը, այսինքն «երկար փողերի» ստեղծմանը: «Հայաստանում ֆինանսավորման իրական նոր ռեսուրս կհայտնվի, կբարձրանա ֆինանսական միջնորդությունը և կզարգանա արժեթղթերի շուկան, ինչը մեր գերնպատակն է: Ի հայտ կգան բոլոր հնարավոր ֆինանսավորումների իրականացման այլընտրանքային հնարավորություններ ինչպես երկրի փոքր և միջին բիզնեսի, այնպես էլ մեծ նախագծերի համար»,- ասել է նա: Բացի դրանից, բարեփոխումները թույլ կտան լրացուցիչ կենսաթոշակ ապահովել ապագայում և բարելավել աշխատանքային հարաբերությունները ներկայում, ինչպես նաև շահութահարկի արտոնություն է նախատեսվում հարկավճարի գծով ձեռնարկատերերի համար և եկամտահարկի արտոնություն` վճարումների իրականացման ժամանակ: Հայաստանը նախատեսում է կամավոր կուտակային կենսաթոշակային համակարգի բարեփոխմանն անցնել 2011 թվականից, իսկ 2014-ից` պարտադիր կուտակային կենսաթոշակային համակարգին: Կայացած սեմինարի կազմակերպիչներն էին ԱՄՆ Զարգացման միջազգային գործակալության թոշակային և աշխատաշուկայի բարեփոխման ծրագիրը, ԵՄ խորհրդատվական խումբն ու թոշակային բարեփոխումների մասին հասարակայնությանը տեղեկացնելու ծրագրի շրջանակներում ՀՀ կառավարության աշխատանքային խումբը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |