Habitat for Humanity ընկերությունը Հայաստանի բնակիչներին աջակցող հերթական ծրագիրն է սկսել24 հունիսի 2010 - 14:08 AMT PanARMENIAN.Net - Հայստանում Habitat for Humanity ընկերության գործունեության հիմնական ուղղություններից է միկրովարկերի տրամադրումը Հայաստանի մարզերի, հատկապես սահմանամերձ շրջանների բնակիչներին, որոնց վաստակը միջինից ցածր է, բնակարանային պայմանները բարելավելու համար: Այդ մասին հայտնել է ընկերության բնակարանային ֆինանսավորման բաժնի ղեկավար Նարինե Թերզյանը հունիսի 24-ի մամլո ասուլիսում: Ըստ նրա, Habitat for Humanity Արմենիա ընկերությունը միջնորդ է հանդիսանում Հայաստանի բանկերի ու բնակիչների միջև, որոնց վարկեր են հարկավոր, սակայն պայմաններ չկան ստանալու համար: Ընկերության միջոցով բնակիչներին տրամադրվում են վարկեր 5-20 տարի ժամկետով, անտոկոս կամ փոքր տոկոսադրույքներով: «Առաջին անգամ անկախացումից ի վեր այդ մարդիկ հնարավորություն կստանան վերանորոգել իրենց բնակարանները մեր ընկերության օժանդակությամբ»,-ասել է Նաիրա Թերզյանը: Ծրագիրն իրականացվում է Երևանում, Լոռու, Տավուշի և Գեղարքունիքի մարզերում` 3 հայկական և մի խումբ հոլանդական ընկերությունների համատեղ ջանքերով: Կարիքավոր ընտանիքիների բնակարանների վերանորոգման աշխատանքները կատարում են երիտասարդ կամավորները: Habitat for Humanity ընկերությունը քրիստոնեական բարեգործական կազմակերպություն է, որի նպատակն է վերացնել անբավարար բնակարանային պայմանները: Հայաստանում այն գործում է 2000 թվականից ի վեր: Հայաստանում գործելու տարիներին այն օգնել է 580 ընտանիքի: Ծրագրի օգնությամբ նախատեսվում է օժանադկել ևս 600 ընտանիքի: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ Նաև մտահոգություն է արտահայտվում հայ 23 անձի շարունակվող կալանավորման առնչությամբ Փաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանը Բաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա» Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում |