Վաչե Գաբրիելյան. Հայաստանում լավ հեռանկարներ կան կորպորատիվ պարտատոմսերի շուկայի զարգացման համար 1 հուլիսի 2010 - 14:33 AMT PanARMENIAN.Net - «Հայաստանում լավ հեռանկարներ կան կորպորատիվ պարտատոմսերի շուկայի, ինչպես նաև այլ արժեթղթերի շուկայի զարգացման համար»,-հայտարարել է Հայաստանի Կենտրոնական բանկի նախագահի տեղակալ Վաչե Գաբրիելյանը` ելույթ ունենալով հուլիսի 1-ի «ԱՊՀ և Բալթիայի երկրների պարտատոմսերի VII կոնգրեսում»: Ներկայացնելով Հայաստանի ֆինանսական համակարգը` նա ասել է, որ այստեղ գերակայում են բանկերը, որոնց ակտիվները ֆինանսական համակարգում կազմում են 93 տոկոս, իսկ ներդրումային ընկերությունների ակտիվները` շուկայի 1-1,5 տոկոսը: Առաջին եռամսյակի արդյունքներով Հայաստանում գործում է 14 կորպորատիվ էմիտենտ, որոնցից 5-ը բանկեր են և մեկը ներդրումային ընկերություն, և խոշոր բիզնեսի այլ ներկայացուցիչներ, որոնց պարտատոմսերը ցուցակում են անցել ՆԱՍԴԱՔ ՕԷՄԷՔՍ Արմենիայում: Նույն ժամանակաշրջանի համար կորպորատիվ պարտատոմսերի շուկան երրորդ տեղում է արժութայինից հետո, որի գործարքները նույնպես բորսայում են կատարվում, իսկ երկրորդ տեղում են ռեպո-ծառայությունները: «Գործարքների ծավալը ընթացիկ տարվա առաջին եռամսյակում 2009թ. չորրորդ եռամսյակի համեմատ կազմել է 4,2 մլրդ դրամ, որոնցից 75 տոկոսը` գործարքներ են կորպորատիվ պարտատոմսերի գծով»,-ասել է Վաչե Գաբրիելյանը: Ինչպես նշել է ԿԲ փոխնախագահը, Երևանում մեկնարկող եկօրյա կոնգրեսը հետապնդում է նաև օտարերկրյա ներդրումների ներգրավման նպատակ` հավելելով, որ օտարերկրյա ներդրողների համար Հայաստանում ստեղծվել են բարենպաստ պայմաններ, որի օրինակ կարող է ծառայել այն փաստը, որ ՀՀ առևտրային բանկերի կապիտալի 75 տոկոսը օտարերկրյա կապիտալ է, այդ թվում ռուսական, արևմտաեվրոպական: «Պետությունն ամեն ինչ անում է, ստեղծելու համար բարենպաստ նեթակառուցվածքներ բիզնեսի զարգացման համար»,-ասել է նա: Ձեռնարկված քայլերի թվում Վաչե Գաբրիելյանը նշել է վարկանիշերի շնորհումը բոլոր արտաբանկային էմիտենտներին, «Ազգային հիփոթեքային ընկերության» ստեղծումը, որը պարտատոմսեր կթողարկի: Բացի այդ, ըստ նրա, Հայաստանը մտադիր է ձեռնամուխ լինել կենսաթոշակային բարեփոխումների իրականացմանը և օրերս ՀՀ ԱԺ-ն երկրորդ ընթերցմամբ ընդունեց «ՀՀ կուտակային կենսաթոշակային համակարգի մասին» օրենքը, որի համաձայն 2014 թվականից ի վեր երկրում կգործի պարտադիր կուտակային կենսաթոշակային հիմնադրամ, որին կմիանան 40-ից երիտասարդ բոլոր անձիք: «Դա ևս մեծ հեռանկարներ կստեղծի կորպորատիվ հատվածի զարգացման համար, քանի որ կորպորատիվ հատվածը կտեսնի այն գումարների առկայությունը, որոնք նա կկարողանա ներգրավել»,-ասել է նա: ԿԲ ներկայացուցիչը հավելել է նաև, որ քանի որ գումարները կհոսեն տնտեսության իրական հատված, ապա բազմաթիվ կորպորատիվ խաղացողների մոտ ցանկություն կառաջանաս ավելացնել պարտատոմսեի թողարկումն արդեն 2011-12թթ.: Բացի այդ, 2011 թվականից Հայաստանում կգործի կամավոր կուտակային հիմնադրամ: Անդրադառնալով բարենպաստ օրենսդրական դաշտին` նա նշեց, որ կուտակային կենսաթոշակային համակարգի վերաբերյալ օրենքով ներդրումներ են թույլատրվում ոչ միայն Հայաստանում, այլ նաև օտարերկրյա արժեթղթերի միջոցով` նշելով, որ նման կոնգրեսները թույլ են տալիս արժեթղթերի շուկայի մասնակիցներին ծնոթանալ երկրում առկա ներդրումային հնարավորություններին: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |