Արկադի Տեր-Թադևոսյան. Ազատագրված տարածքների վերադարձն Ադրբեջանին մեր կործանման սկիզբը կդառնա 1 հուլիսի 2010 - 14:50 AMT PanARMENIAN.Net - «Ազատագրված տարածքների վերադարձն Ադրբեջանին մեր կործանման սկիզբը կդառնա»,-Երևանում կայացած մամլո ասուլիսում հայտարարել է գեներալ Արկադի Տեր-Թադևոսյանը (Կոմանդոս): Ըստ նրա, Երևանին այդպես էլ չհաջողվեց Բաքվի հետ դիվանագիտական պայքարում օգտագործել պատերազմում տարած իր հաղթանակը, ինչի մասին են վկայում Հայաստանի համար ոչ շահավետ 1994 թվականի հրադադարի պայմանները, որտեղ նշված է զորքերի դուրս բերումը ազատագրված տարածքներից: «Հայաստանը պետք է վերլուծի սխալները` ստեղծված իրավիճակից ելք գտնելու համար»,-ասել է Տեր-Թադևոսյանը: Անդրադառնալով ԵԱՀԿ Մինսկի խմբի համանախագահ երկների` Ռուսաստանի, Ֆրանսիայի ու ԱՄՆ-ի նախագահների վերջին հայտարարությանը` նա նշեց, որ այդ հայտարարությունը Հայաստանի արտաքին քաղաքականության բացասական գնահատականն է: Անդրադառնալով ԱՄՆ պետքարտուղար Հիլարի Քլինթոնի առաջիկա այցին Հայաստան` Արկադի Տեր-Թադևոսյանը նշել է, որ իր այցի գլխավոր նպատակն է ստիպել Հայաստանին, որ նա ընդունի այն պայմանները, որոնք պարունակվում են ԵԱՀԿ ՄԽ համանախագահների հայտարարության մեջ: ԵԱՀԿ ՄԽ համանախագահ երկրների` Ռուսաստանի, ԱՄՆ-ի ու Ֆրանսիայի նախագահներ Դմիտրի Մեդվեդևը, Բարաք Օբաման և Նիկոլյա Սարկոզին համատեղ հայտարարություն են ընդունել Լեռնային Ղարաբաղի վերաբերյալ G8 գագանթաժողովում, որն անցնում է Կանադայում: Հայտարարության մեջ ասվում է. «Մենք ԵԱՀԿ ՄԽ համանախագահող երկրների` Ռուսաստանի, ԱՄՆ-ի ու Ֆրանսիայի նախագահներս, հաստատում ենք մեր աջակցությունը Հայաստանի ու Ադրբեջանի ղեկավարներին հիմնարար սկզբունքների հիման վրա ղարաբաղյան հակամարտության խաղաղ կարգավորման վերաբերյալ վերջնական համաձայնագիր մշակելու հարցում: Մենք ողջունում ենք այն փաստի ճանաչումը, որ կայուն կարգավորումը պետք է հիմնված լինի Հելսինկյան ակտի դրությների վրա և 2009 թ. հուլիսին Ակվիլայում արված հայտարարության վրա, որը ներառում է Լեռնային Ղարաբաղի մերձակա տարածքների վերադարձը, Լեռնային Ղարաբաղի միջանկյալ կարգավիճակը անվտանգության և ինքնավարության երաշխիքով, միջանցքի առկայությունը Հայաստանի ու Լեռնային Ղարաբաղի միջև: Լեռնային Ղարաբաղի վերջնական իրավաբանական կարգավիճակը կսահմանվի ավելի ուշ` ժողովրդի կամքի արտահայտման միջոցով»: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին Fastex տեխնոլոգիական 8-րդ հանդիպման ընթացքում խոսել են կրիպտոփոխանակման հարթակներից Հայաստանի բլոկչեյն էմբասիում կայացել է 8-րդ Fastex Meetup տեղեկատվական հանդիպումները Բագրատ սրբազան. Հեծանիվով էր ման գալիս փողոցներում, հիմա ոստիկաններին բերել, քաղաքը պարալիզացրել է Նա նաև ասել է, որ շնորհակալ է ոստիկանությանը, որ «քաղաքացիների փոխարեն՝ ինքն է ճանապարհները փակում» |