  Հոլանդիայի հավաքականը դուրս եկավ ֆուտբոլի ԱԱ եզրափակիչ 7 հուլիսի 2010 - 14:25 AMT PanARMENIAN.Net - Հոլանդիայի հավաքականը 32 տարվա ընթացքում առաջին անգամ դուրս եկավ ֆուտբոլի աշխարհի առաջնության եզրափակիչ: Սա չեմպիոնական տիտղոսը նվաճելու հոլանդացիների երրորդ փորձն է: Աշխարհի 19-րդ առաջնության կիսաեզրափակչում եզրափակչի ուղեգիր նվաճելու համար Հոլանդիայի հավաքականը հանդիպեց Ուրուգվայի հավաքականին: Խաղը կայացավ հուլիսի 6-ին «Գրին փոյնթ» մարզադաշտում: Արդեն 18-րդ րոպեին հոլանդացի Վան Բրոնկհորսթի հարվածից գնդակը հայտնվեց հակառակորդի դարպասում: Ուրուգվայցիները միայն առաջին խաղակեսի վերջին հավասարեցրին խաղի հաշիվը, 41-րդ րոպեին Դիեգո Ֆորլանը կրկին հեռահար գոլով գրավեց Մարտեն Սթեքելենբուրգի դարպասը: Երկրորդ խաղակեսն ակտիվ սկսեցին Ուրուգվայի հավաքկանի ֆուտբոլիստները, բայց հաջողության հասան հոլանդացիները: 70-րդ րոպեին մրցավարը հաշվեց Ուեսլի Սնեյդերի գոլը, չնայած նրան, որ նրա թիմակից Վան Պերսին խաղից դուրս վիճակում էր: 3 րոպեից Արիեն Ռոբենը հաշիվը դարձրեց 3:1: Ուրուգվայի հավաքականը լրացուցիչ րոպեին կրճատեց խաղի հաշիվը: Խաղն ավարտվեց 2:3 հաշվով: Եզրափակչի վերջին մասնակիցը հայտնի կդառնա հուլիսի 7-ին Գերմանիա-Իսպանիա խաղից հետո:   Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա   |  Վերջին լուրեր Կոլումբիան խզում է հարաբերություններն Իսրայելի հետ  Գազայի հատվածի շրջափակումը այդ երկրի նախագահը «ցեղասպանություն» է անվանելՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունըԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել |
