 ՀՀ արդարադատության նախարար Գևորգ Դանիելյանն ընդունել է Չինաստանի դեսպան Թիան Չանչունին 9 հուլիսի 2010 - 19:54 AMTPanARMENIAN.Net - Հուլիսի 9-ին Հայաստանի Հանրապետության արդարադատության նախարար Գևորգ Դանիելյանն ընդունել է Հայաստանում Չինաստանի դեսպան պարոն Թիան Չանչունին: Կողմերն արձանագրեցին իրավական համագործակցության ոլորտում երկու երկրների արդարադատության նախարարությունների կողմից ձեռնարկված որոշ նախապատրաստական աշխատանքների արդյունավետությունն ու հետայսու գործնական քայլեր ձեռնարկելու անհրաժեշտությունը: Կողմերը փաստեցին, որ երկու երկրները համեմատաբար կարճ ժամանակահատվածում ձեռք են բերել սոցիալ-քաղաքական կյանքի բազմաթիվ ոլորտներում հարուստ ու արժեքավոր փորձ, ինչը կնպաստի նաև արդարադատության ոլորտում համագործակցության ամրապնդմանը: Չինաստանի դեսպանը, փոխանցելով Հայաստանի արդարադատության նախարարին ուղղված իրենց երկրի արդարադատության նախարարի հրավերը, ընդգծեց, որ իրենք իրատեսական են համարում մոտ ժամանակներում իրավական համագործակցության համաձայնագրի ստորագրումը: Մինչ այդ, նպատակահարմար համարվեց երկու նախարարների միջև համագործակցության հուշագրի ստորագրումը: Քննարկումների արդյունքում կողմերը հանգեցին այն եզրահանգման, որ չինական կողմը ներկա պահին առավել օգտակար համագործակցություն կարող է ապահովել քրեակատարողական համակարգը ժամանակակից տեխնիկայով վերազինելու և այդ համակարգում կոռուպցիոն ռիսկերը նվազեցնելու, ինչպես նաև թմրանյութերի ապօրինի շրջանառությունը կանխելու ոլորտներում: Ընդ որում, նպատակահարմար գտնվեց հիշյալ հարցերի առնչությամբ առավել ամբողջական պատկերացում կազմելու նկատառումով` փոխադարձության սկզբունքով, այցելություններ կազմակերպել երկու երկրների քրեակատարողական համակարգեր: Կողմերը պայմանավորվեցին նաև քրեակատարողական համակարգում զբաղվածության խնդրի լուծման ուղղությամբ համատեղ ուսումնասիրություններ կատարելու և ընդունելի լուծումներ գտնելու հարցերում: Այս մասին հաղորդում է ՀՀ արդարադատության նախարարության մամլո ծառայությունը:   Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին   Ամենաընթերցվողը բաժնում |  Վերջին լուրեր Պեսկով. Կողմ ենք Բաքվի և Երևանի միջև շփումների շարունակմանը  Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերըՀացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համարԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա ՏիտուսըՇոլց․ Ադրբեջանը պետք է հարգի մարդու իրավունքները Նա Ալիևին ասել է, որ, իրավապաշտպանները և լրատվամիջոցները պետք է հնարավորություն ունենան ազատ աշխատելու |
