Երևանում առաջին անգամ տեղի կունենա սամբոյի պատանեկան միջազգային մրցաշար15 հուլիսի 2010 - 15:16 AMT PanARMENIAN.Net - Հուլիսի 16-19-ը Երևանի «Միկա» մարզահամալիրում կկայանա սամբոյի առաջին պատանեկան միջազգային մրցաշարը` նվիրված ԽՍՀՄ կրկնակի հերոս, օդաչու Նելսոն Ստեփանյանին, ինչպես նաև Հայրենական մեծ պատերազմի հաղթանակի 65-ամյակին: Մրցաշարը կազմակերպել են Հայաստանի Ազգային օլիմպիական կոմիտեն, Հայաստանի սամբոյի ֆեդերացիան և Հայաստանում «Ռուսհամագործակցության» ներկայացուցչությունը: Մրցաշարին կմասնակցեն Հայաստանի, Ռուսաստանի, Ուկրաինայի և Վրաստանի թիմերը: Սամբոյի ֆեդերացիայի նախագահ Լևոն Հայրապետյանը հուլիսի 15-ին լրագրողների հետ հանդիպման ժամանակ ասաց, որ մրցաշարը ոչ միայն մարզական, այլ նաև խորհրդանշական բնույթ ունի. «Մենք ընտրել ենք հենց այդ տարիքային կարգը, որովհետև ցանկանում ենք մեր պատանի մարզիկների մոտ քարոզել և տարածել հայրենասիրական ոգի: Բացի դրանից, մրցաշարը մեզ համար աշխարհի առաջնության նախապատրաստական փուլ է, որը տեղի կունենա 2010-ի հոկտեմբերին Թբիլիսիում»,- ասել է Հայրապետյանը: Նրա խոսքերով, մրցաշարում Ռուսաստանը ներկայանալու է 3, Վրաստանը 2, Հայաստանը` 4 թիմերով: Հայաստանում Ռուսաստանի դեսպանատան խորհրդական, Հայաստանում «Ռուսհամագործակցության» ներկայացուցչության ղեկավար Վիկտոր Կրիվոպուսկովն ասաց, որ սամբոն ԽՍՀՄ-ում ամենատարածված մարզաձևերից էր և ավելացրեց, որ մրցաշարը հնարավորություն կտա ավելիր շատ բան իմանալ Նելսոն Ստեփանյանի մասին: Ուշագրավ Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը | Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին ՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին Երևանում բոլոր 63 բերման ենթարկվածներն ազատ են արձակվել Բերման էր ենթարկվել 63 ցուցարար |