ՄԱԿ-ը խթանում է «Աշխատավոր միգրանտների և նրանց ընտանիքների անդամների իրավունքների պաշտպանության մասին միջազգային կոնվենցիայի» Հայաստանի կողմից վավերացումը19 հուլիսի 2010 - 15:55 AMT PanARMENIAN.Net - Աշխատավոր միգրանտների և նրանց ընտանիքների անդամների իրավունքների պաշտպանության մասին միջազգային կոնվենցիայի 20-ամյակի շեմին Երևանոմ տեղի ունեցավ կլոր սեղան - քննարկում` նվիրված երկրի իշխանությունների կողմից կոնվենցիայի վավերացմանը: Կոնվենցիայի ընդունման հիմնական նպատակը աշխատավոր միգրանտների և նրանց ընտանիքների անդամների պաշտպանությունն էր: «Կլոր սեղանը նվիրված է հասարակական կազմակերպությունների և պետական կառույցների ներկայացուցիչների կոնվենցիայի դրույթների մասին տեղեկացվածության բարձրացմանը, քանի որ մենք հույս ունենք, որ Հայաստանն ապագայում այն կվավերացնի»,- լրագրողներին ասել է ՄԱԿ-ի միջազգային միգրացիոն իրավունքների գլխավոր վարչության ծրագրերի պատասխանատու Պաոլա Պասեն: Ըստ նրա, աշխատավոր միգրանտների իրավունքները պետք է պաշտպանված լինեն, հատկապես այն դեպքում, երբ նրանք գնում են այլ երկրներ օրինական կարգով: Միաժամանակ, ՄԱԿ-ի ներկայացուցիչը նշել է, որ աշխատավոր միգրանտներն իրենց ավելի խոցելի են զգում, երբ որևէ առողջական խնդրի առաջ են կանգնում: «Նրանք վախենում են բուժհիմնարկներ դիմել, քանի որ վախենում են երկրից վտարվել»,- ավելացրել է նա: ՀՀ ԱԳՆ միջազգային կազմակերպությունների վարչության պետ Վահրամ Կաջոյանը կլոր սեղանի ընթացքում հանդես գալով նշել է, որ այս բնագավառում կառավարության հիմնական խնդիրը անօրինական միգրացիան կրճատելու և օրինական միգրացիան խթանելու մասին համապարփակ ծրագրի մշակումն է: Այս ուղղությամբ աշխատանքներ են տարվում երկրի սահմաններում միգրացիոն հոսքերի կառավարումն ապահովող անձնագրերի ստեղծման ուղղությամբ; Դրա հետ կապված նա ավելացրել է, որ իշխանությունները բոլոր միջոցները ձեռնարկում են, որպեսզի ապահովեն Հայաստանը լքած բանկչության վերինտեգրացումը: «2004 թ. սկսած նկատելի է միգրանտների հետ վերադարձի միտումներ: Դա նշանակում է, որ Հայաստանում ապրելակերպի պայմանները լավանում են»,- ընդգծել է դեսպանը: Հայաստանի համար միգրանտների իրավունքների պաշտպանությունը մեծ նշանակություն ունի, քանի որ ՀՆԱ-ում միգրանտների ուղարկած դրամական փոխանցումները 20 տոկոս են կազմում, ասել է ՀՀ պետական միգրացիոն ծառայության պետ Գագիկ Եգանյանը: Նա հաղորդել է, որ 2011 թ. Հայաստանը քննարկելու է «Աշխատող միգրանտների մասին» օրինագիծը: Ավելին, հունիսին տեղի է ունեցել միգրանտների հարցով հայ-ռուսական աշխատանքային խմբի առաջին նիստը: Գ. Եգանյանի խոսքերի համաձայն, Ռուսաստանին բաժին է հասնում Հայաստանի աշխատավոր միգրանտների 94 տոկոսը, որի շնորհիվ միջազգային և տարածաշրջանային համագործակցությունը Հայաստանին հնարավորություն կտա բարձր մակարդակով պաշտպանելու իր միգրանտների իրավունքները: Աշխատավոր միգրանտների և նրանց ընտանիքների անդամների իրավունքների պաշտպանության մասին միջազգային կոնվենցիան (United Nations Convention on the Protection of the Rights of All Migrant Workers and Members of Their Families) մշակվել է ՄԱԿ-ի նախաձեռնությամբ և 1990 թ. դեկտեմբերի 18-ի №45/158 որոշմամբ ընդունել է ՄԱԿ-ի Գլխավոր վեհաժողովը: Այն ուժի մեջ է մտել 2003 թ. հուլիսի 1-ին: Կոնվենցիան միջազգային պայմանագիր է, որը վերաբերում է պաշտպանության կարիք ունեցող բնակչության կոնկրետ խմբի, դրանք են` բոլոր աշխատավոր միգրանտները և նրանց ընտանիքի անդամները: Կոնվենցիայի գործունեությունը ծավալվում է միգրացիայի ողջ ընթացքում, ներառյալ միգրացիային նախապատրաստվելը, աշխատանքի վայր հանդիսացող երկրում միգրանտի ապրելու և աշխատելու ողջ ընթացքում, ինչպես նաև դեպի հայրենիք կամ բնակության վայր հետ վերադառնալու ընթացքը: 2010 թ. ապրիլի դրությամբ կոնվենցիան վավերացրել է 42 պետություն (դրանցից 14-ը` վերապահումներով կամ հայտարարություններով), ստորագրել , բայց չի վավերացրել 16 պետություն: Ուշագրավ Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | Փարաքարի ղեկավարը հրաժարական է տվել «Ապրելու երկիրը» հայտարարել է, որ նախաձեռնել էր նրա իմպիչմենտի գործընթաց Ոսկեպարի Սբ Աստվածածին եկեղեցու տանիքածածկերը կնորոգվեն Կհայտարարվի աշխատանքների իրականացման մրցույթ Սիմոնյան․ Առաջիկայում նախատեսվում էր Իրանի նախագահի այցը ՀՀ «Դա մեզ համար շատ կարևոր էր»,- նշել է նա Սիմոնյանը և Ստեֆանչուկը քննարկել են անվտանգային վիճակը Հարավային Կովկասում և Ուկրաինայում Զրույցը տեղի է ունեցել ուկրաինական կողմի նախաձեռնությամբ |