  ՀՀ սփյուռքի նախարարության աշխատակիցները մասնակցել են ՄԱԿ-ի հայաստանյան գրասենյակի կազմակերպած սեմինարին 5 օգոստոսի 2010 - 20:29 AMTPanARMENIAN.Net - ՀՀ սփյուռքի նախարարության աշխատակիցներն օգոստոսի 4-ին, մասնակցել են ՄԱԿ-ի հայաստանյան գրասենյակի կազմակերպած սեմինարին, որի առանցքում հրեական սփյուռքի փորձն էր ու Հայաստանում «Հայրենադարձության մասին» օրենքի նախագիծը: Սեմինարին մասնակցում էին սփյուռքի նախարար Հրանուշ Հակոբյանը, փոխնախարարներ Ստեփան Պետրոսյանն և այլք: «Հրեական և հայկական սփյուռքը շատ նմանություններ ունեն, սակայն չի կարելի մի երկրի փորձը ուղղակիորեն ներդնել մեկ այլ պետության մեջ»,- ելույթի սկզբում նշել է «Միջազգային միգրացիայի և ինտեգրման հրեական դեմոկրատական կենտրոն» հասարակական կազմակերպության ծրագրերի ղեկավար Իլան Կոհընը: Ի տարբերություն հայկական սփյուռքի` հրեական սփյուռքը բացի Իսրայել պետությունից ունի նաև համակարգող մեկ միասնական մարմին` «Հանուն Իսրայելի հրեական գործակալությունը»: «Այն, կարծես, երկխոսության հարթակ է սփյուռքի համայնքների և Իսրայելի կառավարության միջև»,- նշել է Իլան Կոհընը: Փորձագետը նկատել է , որ սփյուռք-հայրենիք համագործակցության համար կարևոր դեր են կատարում նաև կազմակերպված այցերը: Իսրայելը նույնպես ունի իր սեփական «Արի տուն» ծրագիրը, որի շրջանակներում արդեն իսկ շուրջ 1/4 միլիոն 18-26 տարեկան հրեա երիտասարդ այցելել է Իսրայել: Իսրայելի ներգաղթողների աբսորբցիայի նախարարության նախկին գլխավոր տնօրեն, փաստաբան Շմուել Շենհարը նախարարության աշխատակիցներին ներկայացրել է Իսրայելի դրամահավաքության և բարեգործական ծրագրերի փորձը: «Ի սկզբանե պետության կողմից որոշվել է, որ դրամահավաքությունը պետք է իրականացնեն սփյուռքահրեաները, ու դա բնական է, քանի որ Իսրայել պետությունն ստեղծել են հենց սփյուռքահրեաները»,- ընդգծել է փաստաբանը: Դրամահավաքությամբ աչքի ընկնող ամենամեծ հրեական համայնքն այսօր ԱՄՆ-ում է, որտեղ տարեկան շուրջ 1 մլրդ դոլար է հավաքվում: Ընդ որում, այդ գումարի սոսկ 20 տոկոսն է ուղղվում Իսրայելին, իսկ մնացած 80 տոկոսը համայնքը ծախսում է սեփական կարիքների համար ու սեփական որոշումով: Այս մասին հաղորդում է ՀՀ սփյուռքի նախարարության մամլո ծառայությունը:   Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում”   Ամենաընթերցվողը բաժնում |  Վերջին լուրեր Մարությանը՝ իր կուսակցության հիմնադիր համագումարում․ Փաշինյանն ու իր թիմն այլևս անելիք չունեն՝ պետք է հեռանան  «Մեր Տավուշն այստեղ է՝ այս դահլիճում»,–ասել է նաԸստ Թուրքիայի իշխող ԱԶԿ–ի խոսնակի՝ ՀՀ-Ադրբեջան սահմանին տեղադրված սահմանաքարը չափազանց կարևոր է Նա ասել է, թե «Անկարան ողջունում է Հայաստանի դրական ուղերձները»Տոկաևը հուսով է` Ալմաթիի հանդիպումը կնպաստի հայ–ադրբեջանական պայմանավորվածությունների գործնական իրականացմանը Նա խորհրդանշական է համարել, որ այդ կարևոր միջոցառումը տեղի կունենա ԱլմաթիումՄիրզոյան․ Պատրաստ ենք ժամանակավորապես հյուրընկալել Գազայում վտանգված ձեռագրերը Նա նաև ասել է, որ Հայաստանը դեմ է խաղաղ բնակչությանը թիրախավորելուն |
