Միաբան Գարեգին Համբարձումյան. Գրաբարը մեռած լեզու չէ, բայց մենք կարող ենք այն այդպիսին դարձնել11 օգոստոսի 2010 - 18:15 AMT PanARMENIAN.Net - «Գրաբարը մեռած լեզու չէ, բայց մենք կարող ենք այն այդպիսին դարձնել»,- օգոստոսի 11-ին կայացած մամլո ասուլիսում ասել է Մայր Աթոռ Սուրբ Էջմիածնի հոգևորական, միաբան Գարեգին Համբարձումյանը: Նրա խոսքով, գրաբարն օգտագործվում է եկեղեցական արարողությունների իրականացման համար և դա այդ լեզուն կենդանի է դարձնում: «Սակայն չի կարելի ասել, որ գրաբարը երբևէ առօրյա, խոսակցական լեզու է եղել: Այն օգտագործվել է միայն եկեղեցում և գրի համար: Այդ մասին վկայում է նաև այն փաստը, որ գրաբարում երբեք հայհոյանքներ չեն եղել»,- նշել է միաբան Գարեգին Համբարձումյանը` ավելացնելով, որ գրաբարով մեր աղոթքներն Աստված ավելի լավ է ընդունում, քան ժամանակակից հայերենով: «Ծիրանի» մշակութային հասարակական կազմակերպության նախագահ Նարեկ Աշուղաթոյանը նշել է, որ կազմակերպությունը գրաբարի ուսումնասիրման անվճար դասընթացներ է անցկացնում: Բայց որպեսզի տեղեկատվությունն այդ լեզվով ավելի հասանելի դառնա լայն զանգվածների համար «Ծիրանին» նախաձեռնեց «Գրաբար` նախնիների լեզուն» վավերագրական ֆիլմի ստեղծումը, որում հնագույն լեզվի մասին տեղեկատվություն է ներկայացված: «Ծանոթանալով գրաբարին` մենք ինքներս մեզ ենք բացահայտում, քանի որ մեր ողջ հին գրականությունը գրվել է հենց այդ լեզվով»,- նշել է Նարեկ Աշուղաթոյանը: «Գրաբար` նախնիների լեզուն» փաստագրական ֆիլմի պրեմիերան կայացավ օգոստոսի 10-ին: «Ծիրանի» մշակութային հասարակական կազմակերպության նախագահը նշել է, որ այն կցուցադրվի նաև զանազան ակումբներում, բուհերում և, հնարավոր է, կհայտնվի հեռուստատեսությունում: Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Փաշինյան․ Սահմանազատված հատվածներում ՊՆ-ն ծառայություն չի իրականացնելու, ԱԱԾ-ն է հսկելու «Այո, դիրքը դուրս է գալիս մեր ինքնիշխան տարածքից, որովհետև ՊՆ-ն այդ գծի վրա այլևս ծառայություն չի իրականացնելու», - ասել է նա Մարությանը՝ իր կուսակցության հիմնադիր համագումարում․ Փաշինյանն ու իր թիմն այլևս անելիք չունեն՝ պետք է հեռանան «Մեր Տավուշն այստեղ է՝ այս դահլիճում»,–ասել է նա Ըստ Թուրքիայի իշխող ԱԶԿ–ի խոսնակի՝ ՀՀ-Ադրբեջան սահմանին տեղադրված սահմանաքարը չափազանց կարևոր է Նա ասել է, թե «Անկարան ողջունում է Հայաստանի դրական ուղերձները» Տոկաևը հուսով է` Ալմաթիի հանդիպումը կնպաստի հայ–ադրբեջանական պայմանավորվածությունների գործնական իրականացմանը Նա խորհրդանշական է համարել, որ այդ կարևոր միջոցառումը տեղի կունենա Ալմաթիում |