 Հովիկ Աբրահամյանը Հայաստան այցելելու հրավեր է փոխանցել Կանադայի խորհրդարանի խոսնակին  7 սեպտեմբերի 2010 - 16:58 AMTPanARMENIAN.Net - Սեպտեմբերի 7-ն ՀՀ Ազգային ժողովի նախագահ Հովիկ Աբրահամյանն ընդունեց Կանադայի Համայնքների պալատի Կանադա - Հայաստան պատգամավորական բարեկամության խմբի պատվիրակությանը, որի կազմում են խմբի նախագահ Հարոլդ Ալբրեխթը, պատգամավորներ Ռոբերտ Օլիֆանթը եւ Թոնի Մարտինը: Հանդիպմանը ներկա էին ՀՀ ԱԺ աշխատակազմի ղեկավար Գեղամ Ղարիբջանյանը եւ ՀՀ ԱԺ Հայաստան-Կանադա պատգամավորական բարեկամության խմբի ղեկավար Հովհաննես Սահակյանը: Ողջունելով հյուրերին` ՀՀ Ազգային ժողովի նախագահը բարձր գնահատեց հայ-կանադական հարաբերությունները, նշելով, որ կանադացի խորհրդարանականների այցը կնպաստի այդ հարաբերություններն ավելի ակտիվացնելուն եւ միջխորհրդարանական կապերի ամրապնդմանը: Կանադայի խորհրդարանի անդամ Հարոլդ Ալբրեխթը պատվիրակության անունից շնորհակալություն հայտնելով ընդունելության համար, տեղեկացրեց, որ իրենք ներկայացնում են Կանադա- Հայաստան պատգամավորական բարեկամության 30 հոգանոց խումբը եւ շատ ջերմ հարաբերություններ ունեն կանադահայերի հետ, ովքեր Կանադայում մեծ ներդրում ունեն մշակույթում, բիզնեսում եւ ընդհանրապես բոլոր ոլորտներում: ՀՀ Ազգային ժողովի նախագահը կարեւորեց խորհրդարանների եւ խորհրդարանական դիվանագիտության դերը արագ փոփոխվող աշխարհում: Հովիկ Աբրահամյանն իր ջերմ ողջույնները եւ Հայաստան այցելելու հրավերը փոխանցեց Կանադայի խորհրդարանի խոսնակին: Նա շնորհակալություն հայտնեց Կանադայի խորհրդարանի կողմից Հայոց ցեղասպանությունը ճանաչելու համար: Հայաստանի խորհրդարանի ղեկավարը անհրաժեշտ համարեց ակտիվացնել տնտեսական հարաբերությունները երկու երկրների միջեւ, նշելով, որ Կանադան տարբեր կազմակերպությունների միջոցով ներկայացված է Հայաստանում եւ զգալի օգնություն եւ օժանդակություն է ցուցաբերում: Նա շոշափելի համարեց Կանադայի աջակցությունը հատկապես ՄԱԿ-ում: Հովիկ Աբրահամյանը պատրաստակամություն հայտնեց նպաստել երկկողմ հարաբերությունների ակտիվացմանն ու խորհրդարանական կապերի ընդլայնմանը եւ կարեւոր համարեց, որ Կանադան դեսպանություն ունենա Հայաստանում: Հանդիպմանն անդրադարձ կատարվեց նաեւ ԼՂ հակամարտությանը եւ հայ-թուրքական հարաբերություններին, հաղորդում է ՀՀ ԱԺ հասարակայնության եւ տեղեկատվության միջոցների հետ կապերի վարչությունը:   Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա   Ամենաընթերցվողը բաժնում |  Վերջին լուրեր ՊՆ․ Զինծառայողների հարազատները ծանրոցներ ուղարկում են բացառապես կամավոր  Նշվում է, որ զինծառայողների թիկունքային ապահովման բոլոր աշխատանքները պատշաճ իրականացվում ենԱՄՆ սենատորները կոչ են արել Բայդենին հակազդել մամուլի ազատության դեմ հարձակումներին՝ այդ թվում Ադրբեջանում Նշվում է, որ վերջին ամիսներին Ադրբեջանում 10 լրագրող է կալանավորվելԲելառուսն Արցախում 420 ընտանիքի համար բնակավայր կկառուցի Հայտարարվել է, որ ավանը կկառուցվի Աղդամի շրջանում |
