  Սիրիայի հայ համայնքը համակարգչային դասարան է բացել Երևանի դպրոցներից մեկում  10 սեպտեմբերի 2010 - 15:10 AMTPanARMENIAN.Net - Այսօր Երևանի թիվ 56 Ստեփան Զորյանի անվան դպրոցում բացվել է 20 համակարգիչներով հագեցած համակարգչային դասարան: Ինֆորմատիկայի կաբինետը վերազինվել է Սիրիայում «Հայաստան» համահայկական հիմնադրամի ներկայացուցչության միջոցներով: «Տեղեկատվական տեխնոլոգիաներն այսօր դարձել են հինգերորդ իշխանություն: Չկարողանալ օգտվել համակարգչից, նույնն է, ինչ չիմանալ այբուբենը»,- իր խոսքում ասել է ՀՀ սփյուռքի նախարար Հրանուշ Հակոբյանը: Ըստ նրա, այդ նվերը Սիրիայի հայ համայնքից վկայում է այն մասին, որ Հայաստանի և սփյուռքի անքակտելի կապը գնալով ամրապնդվում է: Ինչպես նշել է «Հայաստան», համահայկական հիմնադրամի գործադիր տնօրեն Արա Վարդանյանը, 15 տարվա ընթացքում դպրոցի աշակերտներն իրենց ավանդն են արել հիմնադրամին ապրիլի 24-ի նախօրեին: «Ձեր օգնությամբ մենք ծրագրեր ենք իրականացրել Արցախում և Հայաստանի մարզերում, այսօր ձեզ որոշել է օգնել Սիրիայի հայ համայնքը»,-ասել է Արա Վարդանյանը: Համակարգիչներից բացի, դպրոցը նվեր է ստացել նաև հեռուստատցույց, պրոեկտոր և DVD-նվագարկիչ: Նախկինում դպրոցն ընդամենը 5 համակարգիչ ուներ: Նոր դասարանը կօգտագործվի նաև այլ առարկաների ինտերակտիվ պարապմունքների համար:   Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից   Ամենաընթերցվողը բաժնում |  Վերջին լուրեր Դորտմունդի «Բորուսիան» հետաքրքրված է Սպերցյանով  Սպերցյանի ներկայիս աշխատանքային պայմանագիրն ակումբի հետ նախատեսված է մինչև 2026 թվականի ամառըՀՀ–ն Մոլդովայում մասնակցում է ՆԱՏՕ-ի Regex 2024 զորավարժությունների հերթական փուլին Զորավարժությունները, որոնց մասնակցում է ՆԱՏՕ–ի գործընկեր մոտ 30 երկիր, կտևեն մինչև մայիսի 24–ըԵրևանում է ԱՄՆ ԿՀՎ ղեկավարի տեղակալը․ Նրան ընդունել է Փաշինյանը Քննարկվել են ինչպես երկկողմ, այնպես էլ միջազգային օրակարգի հարցերԱՆ–ն չի գրանցել Արշակ Կարապետյանի կուսակցությունը՝ օրենքի մի շարք խախտումների հիմքով Նախարարությունը պարզաբանում է տարածել |
