Ժիրայր Սեֆիլյան. ՌԴ «Հայրենակիցների վերաբնակեցման մասին ծրագիրը» կարող է ժողովրդագրական աղետի պատճառ դառնալ ՀՀ-ում30 սեպտեմբերի 2010 - 18:16 AMT PanARMENIAN.Net - Վերջերս ՌԴ Պետդուման փոփոխություններ կատարեց վերաբնակների մասին իր օրենսդրության մեջ, որով բավականին լավ պայմաններ են ստեղծվում վերաբնակների համար՝ նրանց ապահովում են տնով, աշխատանքով և շնորհում են ՌԴ քաղաքացիություն: Այդ մասին Երևանում կայացած մամլո ասուլիսում հայտարարել է «Սարդարապատ» շարժման նախաձեռնող խմբի անդամ Ժիրայր Սեֆիլյանը: Ըստ Սեֆիլյանի, ՌԴ «Հայրենակիցների վերաբնակեցման մասին ծրագիրը» մեծ վտանգ է ներկայացնում Հայաստանի համար, քանի որ ներկա պայմաններում ՀՀ-ում արտագաղթելու ցանկացողները շատ են: «Նման ծրագիր ունի նաև ԵՄ-ն, սակայն արդեն «Արևելյան գործընկերության» շրջանակներում»,-ասել է Սեֆիլյանը: Վերոնշյալ օրենքն, ըստ նրա, ուժի մեջ է մտել հունիսին, սակայն արդեն սեպտեմբերի 15-ին ծրագրում ընդգրկված էր 4 808 հայ, ինչն աղետ է 2 միլիոնանոց Հայաստանի համար: Ըստ բանախոսի, դրան հակազդելու համար հարկավոր են համակարգային փոփոխություններ: Իր հերթին Ալեք Ենիգոմշյանը նշել է, որ Հայաստանն արդեն ժողովրդագրական աղետի առջև է կանգնած, որի մեղավորը ներկայիս ղեկավարությունն է: «Պետք է փոխել կառավարման համակարգը, մշակել երկրի զարգացման նորմալ ծրագիր և ձևավորել երկրին նվիրված ղեկավարություն»,-ասել է նա: Կառավարման փորձագետ Հարություն Մեսրոբյանն ասել է, որ իրավիճակից դուրս գալու համար, հարկավոր է արմատախիլ անել օլիգարխիան ու անարդարությունը: «Որից հետո հարկավոր է մշակել ներգաղթի ու վերարտադրողականության խթանմանն ուղղված ծրագիր»,-ասել է նա: Նա նաև քննադատել է ՀՀ սփյուռքի գործունեությունը՝ նշելով, որ այդ գերատեսչությունը պետք է փակել, քանի որ այն երկու տարում ոչինչ չի արել ներգաղթի ուղղությամբ: Նախաձեռնող խմբի մեկ այլ անդամ Տիգրան Խզմալյանն ասել է, որ ցանկացած նորմալ ղեկավարություն ինքնասպան կլիներ «խարակիրի» միջոցով, եթե բնակչության 1/3 լքեր երկիրը և որի բնակչության 40 տոկոսն, ըստ միջազգային կազմակերպությունների հարցումների, պատրաստ է դա անել: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |