  Սերժ Սարգսյան. Ռուսաստանը միշտ կարևոր դեր է խաղացել Կովկասում 17 նոյեմբերի 2010 - 19:10 AMT PanARMENIAN.Net - Հայաստանը Կովկասում խաղաղության և կայունության է ձգտում, և հենց դրանով են պայմանավորված Լեռնային Ղարաբաղի հիմնախնդրի խաղաղ ու երկարաժամկետ լուծման որոնումների շուրջ նրա ջանքերը: Այդ մասին Մոսկվայում ՌԴ նախագահ Դմիտրի Մեդվեդևի հետ հանդիպման ժամանակ հայտնել է Հայաստանի նախագահ Սերժ Սարգսյանը: Նրա խոսքով, Հայաստանը շնորհակալ է Ռուսաստանին Լեռնային Ղարաբաղի հիմնախնդրի կարգավորման ուղղությամբ միջնորդական ջանքերի համար և հույս ունի, որ դրանք մոտ ժամանակներս դրական արդյունք կտան: «Ռուսաստանը միշտ կարևոր դեր է խաղացել Կովկասում: Հուսով եմ, որ Ձեր ջանքերը կունենան արագ և դրական ավարտ»,- ասել է Սարգսյանը: «Մենք նույնպես նման ցանկություն ունենք»,- պատասխանել է Մեդվեդևը: Մեդվեդևի խոսքով, ինքը հաճախ է հանդիպում իր հայ պաշտոնակցի հետ, ինչը պետությունների ղեկավարներին թույլ է տալիս պարբերաբար քննարկել ու ճշտել երկկողմ հարցեր, տարածաշրջանային խնդիրներ, խոսել ղարաբաղյան կարգավորման մասին, ապագայի ուղենիշներ նշանակել: Սարգսյանը հիշեցրել է, որ օգոստոսին Մեդվեդևի` Հայաստան կատարած պետական այցի ժամանակ մի շարք կարևոր պայմանավորվածություններ են ձեռք բերվել: «Այն ժամանակ մենք պայմանավորվեցինք, որ կհանդիպենք աշնան վերջին և կամփոփենք այդ պայմանավորվածությունների իրականացման ընթացքը»,- ասել է Սարգսյանը, հաղորդում է Կրեմլի մամլո ծառայությունը:   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   |  Վերջին լուրեր ՊՆ․ Զինծառայողների հարազատները ծանրոցներ ուղարկում են բացառապես կամավոր  Նշվում է, որ զինծառայողների թիկունքային ապահովման բոլոր աշխատանքները պատշաճ իրականացվում ենՀՀ և Հորդանանի ԱԳՆ-ները մտահոգություն են հայտնել Երուսաղեմի հայկական թաղամասում ստեղծված իրավիճակի վերաբերյալ Կոստանյանը ներկայացրել է «Խաղաղության խաչմերուկ» նախագիծըԱպրիլին 614 հարկ վճարող մոտ 251 մլն դրամի ՀԴՄ կիրառման կանոններ է խախտել Տուգանքի չափը կազմել է մոտ 251 մլն դրամ |
