Հայաստանում ավելացել է պետգնումների հետ կապված բողոքների քանակը

PanARMENIAN.Net - 2009-2010թթ. ընթացքում ՀՀ ֆինանսների նախարարությանն առընթեր Պետական գնումների գործակալության ստացված բողոքների քանակը մեծացել է, սակայն դա դրական բնույթ ունի, քանի որ տնտեսվարող սուբյեկտների մոտ ցանկություն է առաջացել պաշտպանել իրենց իրավունքները: Այդ մասին նոյեմբերի 25-ին մամլո ասուլիսում լրագրողներին հայտնել է Պետական ներքին ֆինանսական հսկողության և պետական գնումների մեթոդաբանության վարչության պետ Կարեն Բրուտյանը:

Նրա խոսքերով, 2010-ի ընթացքում պետգնումների կազմակերպման համար հայտարարվել է մի քանի հազար մրցույթ, որոնց ընդհանուր ծավալը կազմել է 73.8 մլրդ դրամ, բացառույթամբ մենաշնորհային պետգնումների, 2009-ի 110.2 մլրդ դրամի փոխարեն: