  2011 թվականին «Յունիբանկը» Հայաստանում 8 նոր մասնաճյուղ կբացի 20 հունվարի 2011 - 15:48 AMT PanARMENIAN.Net - Մանրածախ բանկային բիզնեսի արագ զարգացումը, որը «Յունիբանկ» ՓԲԸ-ն հռչակել է իր գերակա ուղղությունը, նախատեսում է ընդլայնված մասնաճյուղային ցանցի առկայություն և բանկային ծառայությունների տարածքային մոտեցում հաճախորդներին` ինչպես մայրաքաղաքում, այնպես էլ մարզերում: «Հաշվի առնելով վաճառքի ծավալը և հաճախորդների թվի նշանակալի աճը, 2011թ.-ին բանկը կբացի 8 նոր մասնաճյուղ, հասցնելով դրանց քանակը 42-ի»,- նշվում է բանկի մամլո ծառայության հաղորդագրության մեջ: Մասնավորապես, մինչև ընթացիկ տարվա հունիս ամիսը մասնաճյուղեր կբացվեն մայրաքաղաքի Դավիթաշեն, Էրեբունի և Արաբկիր համայնքներում, ինչպես նաև Տաշիր քաղաքում: Երեք նոր մասնաճյուղ նախատեսվում է բացել նաև Երևանի կենտրոնում: Նոր մասնաճյուղերը կտրամադրեն բանկային բոլոր ծառայությունները` ավանդների ընդունում, վարկավորում, բանկային քարտերի տրամադրում և սպասարկում, Յունիստրիմ դրամական փոխանցումների իրականացում, վճարահաշվարկային ծառայությունների մատուցում, կոմունալ վճարումների ընդունում և այլն: Միաժամանակ, մասնաճյուղային ցանցի ընդլայնմանը զուգընթաց, «Յունիբանկ»-ը շարունակում է իրականացնել մասնաճյուղերի վերազինման գործընթացը: Այս տարի Գյումրի մասնաճյուղը կտեղափոխվի նոր, երկհարկանի շենք: Եվս երեք մարզային մասնաճյուղեր` «Եղեգնաձոր», «Ալավերդի» և «Աշտարակ», կվերակառուցվեն բանկի միասնական կորպորատիվ ոճով, որը ավելի հարմարավետ կդարձնի հաճախորդների սպասարկման գործընթացը:   Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով   Ամենաընթերցվողը բաժնում |  Վերջին լուրեր ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ  Նաև մտահոգություն է արտահայտվում հայ 23 անձի շարունակվող կալանավորման առնչությամբՓաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանըԲաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա»Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում |
