Ալեքսանդր Գոլդենշտեյն. Թեհրանն ազդանան է տալիս ԱՄՆ-ին, ԵՄ-ին և Իսրայելին, որ տարածաշրջանում սկսվել է նոր դարաշրջան

PanARMENIAN.Net - Եգիպտական իշխանությունները թույլ են տվել Իրանի ռազմածովային ուժերի երկու նավերի անցնել Սուեզի ջրանցքը, հաղորդում է եգիպտական Al-Akhram-ը:

Իրանի պետական հեռուստաալիքը հայտարարել է, որ նավերն արդեն անցել են Միջերկրական ծովը, սակայն եգիպտական ներկայացուցիչները հերքել են այդ տեղեկատվությունը: Հեռուստաալիքի աշխատակազմը պարզաբանել է, որ նավերը հատելու են Սուեզի ջրանցքը երկուշաբթի օրը:

«Դա ուղղակի սադրանք չէ, ինչպես կարծում են որոշ իսրայելցիներ: Դա Թեհրանի խորհրդանշական քայլն է, որը Մերձավոր Արևելքում դարձել է գլխավոր հեղինակությունը: Դրանով Թեհրանն ազդանշան է տալիս ԱՄՆ-ին, ԵՄ-ին և Իսրայելին` մեր նավերը կարող են անցնել ձեր քթի տակով, և դուք ոչինչ չեք կարող անել: Ավելի վաղ դուք կարող էիք «խնդրել» Մուբարաքին փակել Սուեզը, իսկ հիմա` ոչ, տարածաշրջանում նոր դարաշրջան է սկսվել»,- PanARMENIAN.Net ին թղթակցին մեկնաբանել է ստեղծված իրավիճակը IzRus պորտալի գլխավոր խմբագիր Ալեքսանդր Գոլդենշտեյնը: