Ասիայի տարածաշրջանը մեծ ավանդ է ունեցել 2010-ի HSBC խմբի շահույթի ապահովման հարցում

18 մարտի 2011 - 13:18 AMT

PanARMENIAN.Net - HSBC խմբի հրապարակված շահույթը մինչև հարկումն ավելի քան կրկնապատկվել է` կազմելով 19 միլիարդ ԱՄՆ դոլար: Այդ մասին մարտի 18-ին Երևանում մամլո ասուլիսում հաղորդել է «HSBC բանկ Հայաստան» ՓԲԸ-ի գլխավոր գործադիր տնօրեն Աստրիդ Քլիֆորդը: Հիմնական գործունեությունից շահույթը մինչ հարկումը աճել է 5 միլիարդ դոլարով կամ 36 տոկոսով` կազմելով 18.4 միլիարդ դոլար:

«2010-ին HSBC խմբի ներկայության բոլոր հատվածները և տարածաշրջաններն ապահովել են շահույթ, ընդ որում ամենամեծ ավանդը բաժին է ընկել Ասիային»,- ասել է նա: 2010-ին ապահովվել է վարկային ավանդների աճ 8 տոկոսով, ինչը կազմել է 1 տրիլիոն դոլար, իսկ ներգրավված ավանդներն աճել են 7 տոկոսով և կազմել 1.2 տրլն դոլար: Միաժամանակ, Քլիֆորդի խոսքերով, կրճատվել են անտոկոս վարկերի կորուստները` կազմելով 14 մլրդ դոլար: 2010-ի ընթացքում խումբը հայտարարել է շահաբաժինների վճարման մասին 6.3 մլրդ դոլարով:

«Եթե ամփոփել արդյունքները, ապա 2010-ի արդյունքները բավական լավ են եղել, որի հետևանքով HSBC-ն ամրապնդել է իր դիրքերը շուկայում: Բնական է, այս տարի և հաջորդ տարի սպասվում են մեծ դժվարություններ HSBC գործունեության համար, միաժամանակ կան նաև լավ հնարավորություններ, որոնք կապված են Չինաստանի տնտեսության աճի, տնտեսական գլոբալացման հետ, ինչն ապահովելու է բանկային ծառայությունների պահանջարկի աճ»,- ասել է նա:

Հղումներ թեմայով.

http://www.hsbc.am/1/2/en/home

http://www.hsbc.am/1/2/en/about-us/about-hsbc-bank-armenia/financial-statements

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով