2011թ. Անելիք Բանկն առնվազն 11 մլրդ դրամով կավելացնի վարկային ներդրումների ծավալը

8 ապրիլի 2011 - 16:45 AMT

PanARMENIAN.Net - «Անելիք Բանկ» ՓԲԸ-ն նախատեսում է առնվազն 11 մլրդ դրամով ավելացնել վարկային ներդրումների ծավալը 2011 թվականին` հասցնելով այն 41.5 մլրդ դրամի:

«Անելիք Բանկ» ՓԲԸ-ի վարկային պորտֆելը 31.12.10 թ. դրությամբ կազմել է 29.7 մլրդ դրամ, որը նախորդ տարվա համեմատ աճել է 5,3 մլրդ դրամով` տարեկան կտրվածքով առկա է 21.6 % աճ:

«Բանկը 2011 թվականին տնտեսության իրական հատվածի վարկավորմանն ուղղված գործունեությունն ակտիվացնելու հետ զուգընթաց, ակտիվացնելու է նաև ֆիզիկական անձանց վարկավորումը, վարկային այնպիսի գործիքների կիրառմամբ, ինչպիսիք են ավտովարկերը, ապրանքների ձեռքբերման ապառիկ վարկերը, հիփոթեքային և այլ տիպի սպառողական վարկերը:

Միաժամանակ Բանկը, կատարելագործելով ներքին ընթացակարգը, ձգտում է պարզեցնել վարկի տրամադրման գործընթացը, ինչի վառ օրինակ է ուսանողական վարկը, որն արդեն հաստատվում է 1 օրում», - ասաց «Անելիք Բանկ» ՓԲԸ-ի Վարկավորման վարչության ղեկավար Հայկ Գրիգորյանը:

2010 թվականի արդյունքներով «Անելիք Բանկ» ՓԲԸ –ի ակտիվներն աճել են 22.6 %-ով և կազմել 60.1 մլրդ դրամ, հայտնում է բանկի մամլո ծառայությունը:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով