  Փորձագետ. Ներկայացուցիչների պալատ ներկայացված Հայոց ցեղասպանության մասին բանաձևն ավելի մեծ աջակցություն կստանա  15 հունիսի 2011 - 17:11 AMTPanARMENIAN.Net - Այս անգամ ԱՄՆ Ներկայացուցիչների պալատ ներկայացված Հայոց ցեղասպանության մասին բանաձևն ավելի մեծ օժանդակություն կստանա կոնգրեսականների կողմից: Այդ մասին Երևանում կայացած մամլո ասուլիսում հայտնել է Հայաստանի ԳԱԱ Արևելագիտության ինստիտուտի տնօրեն, պրոֆեսոր Ռուբեն Սաֆրաստյանը: Նրա խոսքերով, այն փաստը, որ Հայոց ցեղասպանության մասին բանաձևի հետ միասին կոնգրեսականները մտադիր են նաև շրջանառության մեջ դնել Թուրքիայի կողմից բռնագրավված քրիստոնեական եկեղեցիները վերադարձնելու մասին բանաձևը, ավելացնում է դրանց ընդունման հավանականությունը: «Երբ բանաձևերը ընդգրկվեն ԱՄՆ Ներկայացուցիչների պալատի օրակարգում, այդ ժամանակ արդեն դրանց ընդունման շուրջ պայքար կծավալվի»,- ասել է փորձագետը: Ռուբեն Սաֆրաստյանի խոսքով, Հայոց ցեղասպանության ճանաչման հարցը միշտ կլինի ԱՄՆ քաղաքական օրակարգում: Մի խումբ կոնգրեսականներ մտադիր են երկու բանաձև ընդգրկել օրակարգում Հայոց ցեղասպանության հարցի արդարացի լուծման և Թուրքիայի կողմից բռնագրավված քրիստոնեական եկեղեցիները վերադարձնելու համար: «Եկեղեցիները վերադարձնելու մասին» բանաձևի հեղինակներն են կոնգրեսականներ Էդ Ռոյսը և Հովարդ Բերմանը: Նրանք իրենց բանաձևում կոչ են անում Թուրքիային կատարել միջազգային պարտավորությունները և վերջ տալ կրոնական հետապնդումների ձևերին, պաշտպանել մարդու իրավունքները և քրիստոնյաների կրոնական ազատությունները: Բանաձևի հեղինակները կոչ են անում Անկարային օրինական ճանապարհով վերադարձնել հայերից, հույներից, ասորիներից և այլ քրիստոնյա համայնքներից բռնագրավված եկեղեցիները: «Հայոց ցեղասպանության մասին» բանաձևի հեղինակներ Ադամ Շիֆն ու Ռոբերտ Դոլդն իրենց հերթին կոչ են անում ԱՄՆ նախագահ Բարաք Օբամային ճանաչել Ցեղասպանությունը` մարդկության դեմ ապագա հանցագործությունները կանխելու համար:   Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը   Ամենաընթերցվողը բաժնում |  Սյուժե Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինըԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |
