Պատմաբան. Դեռևս 1915թ. Հռոմի պապ Բենեդիկտոս XV-ը կոչ էր անում դադարեցնել հայերի հանդեպ կատարվող բռնությունները13 հուլիսի 2011 - 10:59 AMT PanARMENIAN.Net - Դեռևս 1915թ. Հռոմի պապ Բենեդիկտոս XV-ը նամակ էր հղել թուրք սուլթան Մեհմեդ V-ին, որտեղ հորդորում էր դադարեցնել հայերի հանդեպ կատարվող բռնությունները: Այդ մասին PanARMENIAN.Net ի թղթակցին է հայտարարել պատմաբան, Հայոց ցեղասպանության թանգարան-ինստիտուտի տնօրեն Սուրեն Մանուկյանը՝ մեկնաբանելով Հայոց ցեղասպանությանը վերաբերող արխիվները բացելու Վատիկանի մտադրությունը: «Ոչ ոք չի տեսել այդ արխիվները և չի աշխատել այդ նյութերի հետ: Սակայն, ակնհայտ է, որ դրանք բավականին հարուստ ինֆորմացիա են պարունակում Հայոց ցեղասպանության մասին, քանի որ 19-րդ դարի վերջում 20-րդ դարի սկզբում Վատիկանը բավականին ակտիվ դիվանագիտական աշխատանք էր տանում»,-ասել է Մանուկյանը: Սակայն, պատմաբանը նշել է, որ հավանաբար, Վատիկանը բոլոր արխիվները չի բացի, այլ կհրապարակի միայն մի քանի փաստաթուղթ: Մանուկյանը գտնում է, որ այդ փաստաթղթերը հետաքրքիր կլինեն ցեղասպանագետների համար և կհամալրեն Հայոց ցեղասպանության մասին նյութերի բազան: Հիշեցնենք, որ 2001թ., երբ Հռոմի պապ Հովհաննես Պողոս Երկրորդը այցելեց Հայաստան՝ քրիստոնեության ընդունման 1700-ամայկի շրջանակներում, նա Երևանի Հայոց ցեղասպանության թանգարան-ինստիտուտին նվիրեց Հռոմի պապ Բենեդիկտոս XV-ի 1915թ. սեպտեմբերի 10-ի նամակի սևագիրը, որը հասցեագրված էր Թուրքիայի սուլթան Մեհմեդ V-ին: Մասնավորապես, պապը խնդրում էր սուլթանին «արտաբերել խաղաղության ու հաշտության խոսքեր», որպեսզի «հայ ժողովուրդը դադարի լինել դաժանության ու վրիժառության զոհ»: Նախորդ շաբաթ իտալական ԶԼՄ-ները հայտնեցին, որ Վատիկանը փաստաթղթերի ժողովածու կհրապարակի Հայոց ցեղասպանության մասին: Արխիվի պատասխանատու մոնսենյոր Սերջիո Պագանոն հայտարարել է, որ երբ ընթերցում էր հայերի կրած կտտանքների մասին փաստաթղթերը, նա ցավ և սարսափ էր ապրում: Վատիկանի գաղտնի արխիվի պատասխանատուն հայտարարել է, որ 2-3 տարուց այդ շրջանի փաստաթղթերը պատրաստ կլինեն հրապարակման: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Մեկնարկել են Երևան-Նիցցա թռիչքները Չվերթերը կիրականացվեն շաբաթական 2 անգամ ՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունը ԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել ԱՄՆ–ն կշարունակի աջակցել ՀՀ-ում պաշտպանական բարեփոխումներին Պապաիկյանն ու ԱՄՆ դեսպանը քննարկել են համագործակցության ներկայիս ընթացքը և զարգացման հեռանկարները |