Սենատոր Մենենդեսի խնդրանքով ՀՀ-ում ԱՄՆ դեսպանի պաշտոնում Հեֆերնի թեկնածության քննարկումը հետաձգվել է27 հուլիսի 2011 - 16:35 AMT PanARMENIAN.Net - ԱՄՆ Սենատի արտաքին հարաբերությունների կոմիտեն հետաձգել է Հայաստանում ԱՄՆ դեսպանի պաշտոնում Ջոն Հեֆերնի թեկնածության քննարկումը: Քննարկումները հետաձգվել են սենատոր Ռոբերտ Մենենդեսի խնդրանքով, որը հայտարարել է, թե իրեն ավելի շատ ժամանակ է հարկավոր ուսումնասիրելու համար Հեֆերնի պատասխանները արված հարցապնդումներին, հայտնում է Ամերիկայի Հայկական համագումարը: Ըստ ԱՀՀ-ի, քվեարկությունը Հեֆերնի թեկնածության վերաբերյալ կկայանա սեպտեմբերից ոչ շուտ: «Մենք ցանկանում ենք շնորհակալություն հայտնել սենատոր Մենենդեսին Ջոն Հեֆերնի նշանակման հարցը ավելի ուշադիր ուսումնասիրելու և ճիշտ որոշում կայացնելու համար: Սակայն, մենք ինչպես նախկինում, խիստ անհանգստացած ենք ԱՄՆ վարչակազմի կողմից Հայոց ցեղասպանության ժխտմամբ, ինչը հակասում է բարոյական արժեքներին, որոնք ժամանակին բարձրաձայնել է ԱՄՆ նախագահ Բարաք Օբաման: Ցավալի է տեսնել, թե ինչպես է ամերիկացի դիվանագետը փորձում խուսափել ճշմարտությունից, ծառայելով օտար պետության կողմից Ամերիկային պարտադրված անբարոյական քաղաքականությանը»,-հայտարարել է Ամերիկայի Հայ Դատի հանձնախմբի գործադիր տնօրեն Արամ Համբարյանը: Հուլիսի 13-ի կսումներում, անդրադառնալով ԱՄՆ հայ համայնքին ամենից շատ հետաքրքրող հարցերին, մասնավորապես Վաշինգտոնի կողմից Հայոց ցեղասպանության ճանաչմանն ու ղարաբաղյան կարգավորմանը՝ Հեֆերնը հայտարարել է, որ ԱՄՆ նախագահը սարսափելի է ճանաչել Օսմանյան կայսրությունում տեղի ունեցած իրադարձությունները՝ հիշեցնելով, որ Բարաք Օբաման հրապարակավ 1,5 մլն հայերի ջարդը անվանեց 20-րդ դարի ամենասարսափելի իրադարձություններից մեկը: «Նախագահը հորդորել է Թուրքիային ու Հայաստանին միասն աշխատել այդ փաստերի արդարացի ճանաչման համար: Ես ամեն ինչ կանեմ, որպեսզի իրագործեմ այդ տեսլականը»,-ասել է Հեֆերնը: Մենենդեսը հիշեցրել է Հեֆերնին, որ ԱՄՆ պետդեպարտամենտը բազմաթիվ փաստաթղթեր ունի, որոնք հաստատում են, որ ԱՄՆ-ն այդ իրադարձությունները բնութագրել է որպես ցեղասպանություն, սակայն քաղաքական կամք չունի «ցեղասպանություն» անվանելու համար: «Ես գտնում եմ, որ շատ բարդ է դիվանագետին գործուղել մի երկիր, որտեղ նա պետք է այցելի Հայոց ցեղասպանության հուշահամալիր՝ չարտասանելով «ցեղասպանություն» բառը»,-ասել է Մենենդեսը՝ հույս հայտնելով, որ Ջոն Հեֆերնը, ինչպես իր նախորդները, անպայման կայցելի Հայոց ցեղասպանության հուշահամալիր: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Ավինյանի գլխավորած պատվիրակությունը մեկնում է Փարիզ Ավինյանը կհանդիպի Անն Իդալգոյի հետ ՀՀ և Հնդկաստանի ՊՆ–ները ստորագրել են 2024-2025 թթ. գործակցության պլանը․ Աշխատանքային խումբ կստեղծվի Քննարկվել են նաև տարածաշրջանային անվտանգությանն առնչվող հարցեր Երևանում վերսկսվել են անհնազանդության ակցիաները․ Ցուցարարները հավաքվելու են Ազատության հրապարակում Ժամը 17։00–ին EBRD միջազգային ֆորումի շրջանակներում կայանալու է միջոցառում, որին մասնակցելու է վարչապետը Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա |